វិញ្ញាសាត្រៀមប្រឡងជ្រើសរើសគ្រូបង្រៀនកម្រិតមូលដ្ឋានបង្រៀននៅអនុវិទ្យាល័យឯកទេសរូបវិទ្យា(វិញ្ញាសាទី៤)

សំនួរ

១.​ តើគ្រឿងទទួលអគ្គិសនីគឺជាអ្វី ?​

២. ចូរប្រៀបធៀបខួបលំយោលប៉ោលទោល និងខួបប៉ោលអគ្គិសនី ។ រៀបរាប់ពីរលក្ខណៈខុសគ្នា និងដូចគ្នា ។

៣. ដូចម្តេចដែលហៅថាប៉ោលទោល ?

៤. ដូចម្តេចដែលហៅថាម៉ាស ?

៥. ដូចម្តេចដែលហៅថាទម្ងន់ ?

ចម្លើយ

១. គ្រឿងទទួលអគ្គិសនីជាឌីប៉ូលដែលទទួលថាមពលអគ្គិសនី រួចបំលែងថាមពលនេះទៅជា ថាមពលផ្សេងៗដូចជា ៖ ថាមពលមេកានិច ថាមពលគីមី ថាមពលកម្តៅ ។ Ex: ម៉ូទ័រអគ្គិសនី ផើងវិភាគអគ្គិសនី ។

២. ប្រៀបធៀបខួបលំយោលប៉ោលទោល និងខួបប៉ោលអគ្គិសនី ៖

• ប៉ោលរ៉ឺស័រ
• ប៉ោលអគ្គិសនី ។

តា​មរយៈរូបមន្តទាំងពីរខាងលើឃើញថា ខួបប៉ោលរ៉ឺស័រ និងខួបប៉ោលអគ្គិសនីមាន ៖

លក្ខណៈដូចគ្នា

• មានមេគុណសមាមាត្រ 2π  ដូចគ្នា
• ជារយៈពេលមួយវដ្តនៃការផ្លាស់ប្តូរទៅវិញទៅមករវាងអង្គធាតុពីរដូចគ្នា ។

លក្ខណៈខុសគ្នា

• ប៉ោលរ៉ឺស័រមានខួបអាស្រ័យនិងលក្ខណៈផ្ទាល់នៃអង្គធាតុ (ម៉ាស m និងថេរ​កម្រាញ k ) ហើយវាមិនអាស្រ័យនិងមជ្ឈដ្ឋានដែលវាសិ្ថតនៅនោះទេ ។
• ខួបនៃប៉ោលអគ្គិសនី អាស្រ័យនិងលក្ខណៈរូប (អាំងឌុចតង់ L និងកាប៉ាស៊ីតេ c ) ​នៃអង្គធាតុ ហើយវាអាស្រ័យនិងមជ្ឈដ្ឋានដែលវាស្ថិតនៅ ។

៣. ប៉ោលទោលជាប៉ោលដែលផ្សំឡើងពីវត្ថុរឹងមួយដែលម៉ាស m ដែលអាចចាត់ទុកជាចំណុចនឹងមួយតាមរយៈខ្សែមិនយឺត និងមិនគិតម៉ាស ហើយអាចយោលទៅវិញទៅមកបានជុំវិញ ទីតាំងលំនឹងមួយនៃកម្លាំងទំនាញផែនដី ។

៤. ម៉ាសគឺជាបរិមាណរូបធាតុដែលមាននៅក្នុងអង្គធាតុ មានតែទំហំតែគ្មានទិសដៅ ហើយមានតម្លៃថេរគ្រប់ទីកន្លែង មានខ្នាតគិតជាគីឡូក្រាម kg ហើយវាស់ដោយជញ្ជីង ។

៥. ទម្ងន់ គឺជាកម្លាំងទំនាញផែនដីមានទំហំមានទាំង ទិសដៅ ហើយប្រែប្រួលតាមទីកន្លែង មានខ្នាតគិតជាញូតុនN ហើយវាស់ដោយ ឌីណាម៉ូម៉ែត្រ ។