ចូរបង្ហាញជីវប្រវត្តិអ្នកស្រី សិទ្ធិ និងស្នាដៃ ។

អ្នកស្រី សិទ្ធ “១៨៨១ដល់១៩៦៣” ជីវប្រវត្តិ ៖

• កើតថ្ងៃ ពុធ ខែមិគសិរ ​ឆ្នាំមមី ព.ស ២៤២៤ ត្រូវនឹងឆ្នាំ ១៨៨១ នៅសង្កាត់លេខ ៤ ក្រុងភ្នំពេញ ។
• ជាកូនពៅនៃលោកពិពិធសិរី ចាងហ្វាង សូ អ្នកស្រី ភ្លង ។
• បានរៀនអក្សរខ្មែរ អក្សរសៀម ក្នុងសំណាក់ឪពុក និងអ្នកជិតខាង ។
• ចេះបើកក្រាំង បើកបទ ក្នុងក្រុមរបាំព្រះរាជទ្រព្យយ៉ាងប៉ិនប្រសប់ ។
• មានស្វាមីជាមន្រ្តីខាងតុលាការ និងមានបុត្រីមួយ ។
• ប៉ិនប្រសប់តែងកាព្យបានភ្លាមៗ ដូចជាបានឆ្លងឆ្លើយក្នុងការបើកបទសកវាក៍បប្រកួតជាមួយក្រុមវាំងជាដើម ។
• បានធ្វើជានាយិកា នៃក្រុមបើកក្រាំងមហោរី ។
• នៅពេលអាយុចំណាស់ បានទៅនៅវត្តបទុម កាន់សីល ១០ បំរើសង្ឃ និងបានសាងកុដិទុកបូជាសង្ឃ ។
• ជន្មាយុ ៨២ ឆ្នាំបានទទួលមរណភាពនៅថ្ងៃ ៥ កញ្ញា ១៩៦៣

ស្នាដៃ ៖

• រឿងពិម្ពាពិលាប (បោះពុម្ព ១៩៤២)
• រឿង គូសាង មិត្តមិនទ្រុស្តមិត្ត (បោះពុម្ព ១៩៥២)
• រឿងចិត្តសត្យា (បោះពុម្ព ១៩៥៣)
• បែបបទសកវាទ៍ (ភាគខ្លះបោះពុម្ព ១៩៣២) ។