ព្រះសក្យមុនីចេតិយខាងមុខស្ថានីយរាជាយស្ម័យយានកម្ពុជាកសាងឡើងនៅសម័យណា ? សំរាប់តំកល់អ្វី ? បច្ចុប្បន្នកាលនេះ ព្រះសក្យមុនីចេតិយ ត្រូវបានប្តូរទីតាំងទៅនៅឯណា ? នៅពេលណា មូលហេតុអ្វី ?

ព្រះសក្យមុនីចេតិយ ខាងមុខស្ថានីយរាជាយស្ម័យយានកម្ពុជាកសាងរួចរាល់នៅថ្ងៃទី ១២ ខែឧសភា ឆ្នាំ ១៩៥៧ ត្រូវនឹងថ្ងៃទី ១៤កើត ខែពិសាខ ឆ្នាំ រកា នព្វស័ក ព.ស២៥០០ ក្នុងរាជ្យព្រះករុណាព្រះបាទនរោត្តមសីហនុវរ្ម័ន សំរាប់តំកល់ព្រះបរមសារីរិកធាតុ​ (ព្រះចង្កូមកែវ ព្រះសម្មាសម្ពុទ្ធ) និងព្រះអរហន្តធាតុទាំងគូ (ព្រះសារីបុត្ត និងព្រះមោគល្លាន) ។ បច្ចុប្បន្ននេះ ព្រះសក្យមុនីចេតិយ ត្រូវបានប្តូរទីតាំងទៅនៅលើខ្នងភ្នំព្រះរាជទ្រព្យ (ភ្នំឧដ្តុង្គ) ឃុំផ្សារដែក ស្រុកពញាឮ ខេត្តកណ្តាល ថ្ងៃទី១២ ខែធ្នូ ឆ្នាំ​២០០២ ។ មូលហេតុនៃការផ្លាស់ប្តូរទីតាំងបណ្តាលមកពី ៖

• ព្រះករុណាព្រះបាទនរោត្តមសីហនុ ទ្រង់ព្រះរាជតំរិះថា “ព្រះសក្យមុនីចេតិយដែលតំកល់ព្រះបរមសារីរិកធាតុ” គួរតែស្ថិតនៅលើទីតាំងខ្ពស់ ប្រកបដោយបរិយាកាសស្ងៀមស្ងាត់ដើម្បីជាទីគោរសក្ការៈរបស់ពុទ្ធសាសនិកជន ។
• ព្រះសក្យមុនីចេតិយខាងមុខរាដោយស្ម័យយាន ស្ថិតនៅលើទីតាំងទាបព័ទ្ធជុំវិញដោយការលក់ដូរ ឥតសណ្តាប់ធ្នាប់ភាពច្របូកច្របល់ មិនសមស្របជាបូនីយដ្ឋានរបស់ពុទ្ធសាសនិកជន ។