តើពេលនិយាយនៅខាងមុខគេ មានអារម្មណ៍ភ័យ មានសំឡេងប្លែកពីនិយាយធម្មតា ជាជំងឺផ្លូវចិត្តឬទេ? ហើយត្រូវ ព្យាបាលដូចម្តេចខ្លះ ?

សំណួរនេះ មានន័យមិនប្រាកដ ធ្វើឱ្យពិបាក យល់។ បើតាមតម្រុយរបស់វា សំណួរនេះមានន័យថា មនុស្ស ម្នាក់ ពេលនិយាយជាមួយគេឯង មានអារម្មណ៍ភ័យៗ ពេលមាន សំឡេងអ៊ូអរ ការនិយាយកាន់តែប្លែកពីធម្មតា។ តើនេះជាជំងឺ ឬទេ? តើត្រូវព្យាបាលដូចម្តេច?  បើបែបនេះមែន ការឆ្លើយនឹង ត្រូវធ្វើតាមដូចតទៅ។ យោងលើអាការៈខាងលើ គេអាចដឹងថា នេះជាការភ័យ មួយហួសពីការភ័យក្នុងក្របខណ្ឌធម្មតា ព្រោះមនុស្សម្នាក់អាច ភ័យ នៅពេលជួបនឹងព្រឹត្តិការណ៍ដែលគួរឱ្យភ័យខ្លាចសម្រាប់ មនុស្ស ជាទូទៅ តែការភ័យខ្លាចនេះមិនកើតមានយូរទេ គឺតែរយៈ មួយទៅពីរអាទិត្យប៉ុណ្ណោះ  វានឹងបាត់ទៅវិញឯង ហើយមនុស្ស ណាក៏ភ័យដែរ។  បើការភ័យនោះគ្មានហេតុផលសមរម្យ និងដែល មានរយៈពេលយូរលើសពីរយៈពេលខាងលើនេះ ពិតជាការភ័យ ដែលសម្គាល់បានថា អ្នកនោះមានជំងឺផ្លូវចិត្តហើយ។ ឯការ ព្យាបាល ត្រូវធ្វើដូចក្នុងសំណួរមុនដែរ។