តើព្រឹត្តការណ៍របស់តាត្រសក់ផ្អែមមានអត្តន័យដូចម្តេច ?

តាត្រសក់ផ្អែមមានដើមកំណើតជាប្រជារាស្ត្រសុទ្ធសាទ តែត្រូវ​បានឡើងសោយរាជ្យជាព្រះមហាក្សត្រនៅចុង សម័យអង្គរសតវត្សទី១៤ ។

តាមរឿងដំ​ណាលថា តាត្រសក់ផ្អែមជាអ្នកដាំត្រសក់ផ្អែមហើយជានិច្ចជាកាល តាបានយក​ផ្លែត្រសក់ យកទៅថ្វាយស្តេច ។ ព្រះមហាក្សក្សត្របានប្រគល់លំពែងមួយទៅអោយតាដើម្បីការពារចំការត្រសក់ ។ យប់មួយព្រះ​មហាក្សត្របានចូលទៅសាកល្បងបេះ​ផ្លែត្រសក់​។ តាត្រសក់ផ្អែមបានចាក់ព្រះមហាក្សត្រនិងលំពែង ដែលព្រះមហាក្សត្រប្រគល់អោយរហូតដល់សោយទីវង្គត់ ។ ដោយគ្មានព្រះមហាក្សត្រឡើងសោយរាជ្យប្រជារាសស្ត្រ លើកតាត្រសក់ផ្អែមជាព្រះមហាក្សត្រ ។

តែអ្នកសិក្សាប្រវត្តិសាស្ត្រ និង អ្នកសង្គមវិទូបាបយល់ថា ព្រឹត្តការណ៍តាត្រ​សក់ផ្អែម ជាព្រឹត្តការណ៍មានអត្តន័យដ៏ជ្រាលជ្រៅ គឺជាបដិវត្តពីលទ្ធិព្រហ្មញ្ញសាសនាទៅព្រះពុទ្ធសាសនា ។ ឯបដិវត្តនយោបាយ គឺជាបដិវត្តទីលទ្ធិទេវរាជមកលទ្ធិពុទ្ធរាជវិញ ។ ដោយមូលហេតុនេះទើបគេសង្កេតឃើញចាប់ពីព្រឹត្តការណ៍រប​ស់តាត្រសក់ផ្អែមមក ស្តេចទាំងឡាយលែងមាននាមខាងចុងថា “ វរ្ម័ន “ ទៀតឡើយ ។ ចំណែកលទ្ធិព្រហ្មញ្ញសាសនា ក៏ត្រូវលុបបំបាត់ចោលដែរ លើកលែងតែជំនឿ និង ទំនៀមទំលាប់ខ្លះដែលនៅសេសសល់ក្នុងជួរប្រជាពលរដ្ឋ និងក្នុងសង្គមជាតិ ។