វិញ្ញាសាប្រឡងជ្រើសរើសសិស្សពូកែ M J Q ផ្នែកអក្សសិល្ប៍ គណិតវិទ្យា និងរូបវិទ្យា ថ្នាក់ទី៩ វប្បធម៌ទូទៅ

ចង់ប្តូរការងារ ឬ កំពុងស្វែងរកការងារ ផ្វើសារឥឡូវនេះ

ប្រឡងជ្រើសរើសសិស្សពូកែ M J Q

ផ្នែកអក្សសិល្ប៍ គណិតវិទ្យា និងរូបវិទ្យា ថ្នាក់ទី៩

វប្បធម៌ទូទៅ រយៈពេល ៦០នាទី

១.តើបរិស្ថានជាអ្វី? សព្វថ្ងៃនេះមនុស្សបានបង្កឱ្យមានការខូចខាតដល់បរិស្ថានសង្គម និងបរិស្ថានធម្មជាតិ ដោយគេបានធ្វើអ្វីខ្លះ? ចូរពន្យល់។

២.តើព្រះបាទនរោត្តមសីហនុប្រសូតនៅថ្ងៃ ខែ ឆ្នាំណា? មានព្រះមាតា ព្រះបិតាព្រះនាមអ្វី?

ព្រះអង្គសោយរាជ្យលើកទៅមួយនៅថ្ងៃ ខែ ឆ្នាំណា?
មុនព្រះអង្គចូលទីវង្គតមានព្រះគោរមងារអ្វី?
តើព្រះអង្គចូលទីវង្គតនៅថ្ងៃ ខែ ឆ្នាំណា? ទទួលព្រះបច្ឆាមរណនាមអ្វី?

៣.នៅក្នុងសង្គមជីវភាពរស់នៅប្រចាំថ្ងៃ យុវជនមួយក្រុមកំពុងប្រឈមមុខនឹងបញ្ហាអសកម្ម (ស្រី ស្រា ល្បែង គ្រឿងញៀន...)។

ក.តើបញ្ហាទាំងនេះបណ្តាលមកពីកត្តាអ្វីខ្លះ? ចូរៀបរាប់។

ខ.តើអ្នកត្រូវមានភារកិច្ចនិងអាកប្បកិរិយាបែបណាចំណោះបញ្ហានេះ?

៤.តើការបោះឆ្នោតជាអ្វី? ហេតុអ្វីចាំបាច់មានការបោះឆ្នោតជ្រើសតំណាងរាស្ត្រ?

តើការចុះ ឈ្មោះបោះឆ្នោតគេទាមទារលក្ខខណ្ឌអ្វីខ្លះ?

៥.ចូររាប់ឈ្មោះខែខ្មែរតាមចន្ទគតិ តាមលំដាប់លំដោយ។

ចូររាប់ឈ្មោះឆ្នាំចន្ទកតិតាមលំដាប់និងបញ្ជាក់នាមសត្វតំណាងឆ្នាំនីមួយៗ។

ចម្លើយ

១.បរិស្ថាន គឺជាអ្វីៗដែលនៅជុំវិញខ្លួនយើង។ សព្វថ្ងៃនេះមនុស្សបានធ្វើឱ្យខូចបរិស្ថានដូចជា៖

ក.បរិស្ថានសង្គម

បង្ករជាម្លោះ
បង្កើតសង្គ្រាម
សាងឧក្រិដ្ធកម្ម លួច ប្លន់ ការកាប់សម្លាប់ បាញ់ប្រហារ
សាបព្រោះអំពើពុករលួយ
ផលិតគ្រឿងញៀន
បង្កើតនូវរប្បធម៌ពាលាអាវ៉ាសែ

ខ.ខូចបរិស្ថានធម្មជាតិ

បំផ្លាញព្រៃឈើ
សម្លាប់សត្វព្រៃ
គាស់រំលើងព្រៃធម្មជាតិឱ្យក្លាយទៅជាវាលរាប
ប្រមូលគ្នាសង់លំនៅឋាននៅតំបន់ប្រព័ន្ធផ្លូវទឹក
ចោលកាកសំណល់ក្នុងទឹក
នាវា កាណូត តូច ធំ បង្ហូរប្រេង បង្ហៀរកាកសំណល់ទៅក្នុងទឹកធ្វើឱ្យស្លាប់មច្ឆជាតិ។

២.ព្រះបាទនរោត្តមសីហនុប្រសូតនៅថ្ងៃទិ ៣១ តុលា ឆ្នាំ ១៩២២។

មានព្រះមាតាស៊ីសុវត្ថិមិនីវង្ស កុសមៈនារីរ័ត្ន សិរីវឌ្ឃនា ព្រះបិតាព្រះនាមនរោត្តម សុរាម្រិត។
ព្រះអង្គសោយរាជ្យលើកទីមួយនៅថ្ងៃ ២៥ ខែតុលា ឆ្នាំ ១៩៤១។
មុនព្រះអង្គចូលទីវង្គត់មានព្រះគោរមងារព្រះករុណាព្រះបាទនរោត្តមសីហនុ។
ព្រះអង្គចូលទីវង្គតនៅថ្ងៃ ១៥ ខែ តុលា ឆ្នាំ ២០១២
ទទួលព្រះបច្ឆាមរណនាមព្រះបរមរតនកោដ្ធ។

៣.នៅក្នុងសង្គមជីវភាពរស់នៅប្រចាំថ្ងៃ យុវជនមួយក្រុមកំពុងប្រឈមមុខនឹងបញ្ហាអសកម្ម (ស្រី ស្រា ល្បែង គ្រឿងញៀន...)

ក.បញ្ហាទាំងនេះបណ្តាលមកពីកត្តាដូចខាងក្រោម៖

កត្តាគ្រួសារ

ភាពក្រីក្រដែលបណ្តាលឱ្យងាយនិងគេធ្វើការទាក់ទាញ
ខ្វះការអប់រំពីគ្រួសារ ឬ ទំរើសកូនហួសហេតុ
ឪពុកម្តាយមានភារកិច្ចមមាញឹក ឬ រវល់ច្រើនគ្មានពេលតាមដានដាស់តឿនកូនជាប្រចាំ

កត្តាសាលារៀន

ជីវភាពគ្រួសាររបស់អ្នកអប់រំមានកម្រិតទាប សិស្សពុំសូវស្តាប់ មិនសូវឱ្យតម្លៃ
មិនហ៊ាននិយាយស្តីខ្លាំង គ្មានវិធានការឱ្យសិស្សខ្លាចផង ព្រោះក្រែងមានអំពើហិង្សាពីសិស្ស ឬគ្រួសារសិស្សដែលមានអំណាច
រយៈពេលអប់រំសិស្សនៅសាលាតិចជាងការរស់នៅជាមួយគ្រួសារ។

កត្តាសង្គម

ទំនាក់ទំនងរវាងសាលារៀន និង សង្គមពុំទាន់ល្អ
អំណាចនៃច្បាប់ក្នុងសង្គមធូររលុង
ការគំរាមកំហែងនៃឥទ្ធិពលវប្បធម៌បរទេសយ៉ាងខ្លាំងក្លា និងអនាធិបតេយ្យ។ គ្រប់រូបភាពសង្គម បរទេសត្រូវបានថតចម្លង ឬផ្តិតយកដោយកុមារា កុមារី យុវជនឬយុវតី ហើយបំផ្លែងរូបនោះឱ្យទៅជាកម្មសិទ្ធិរបស់ពួកគេ
ប្រព័ន្ធផ្សព្វផ្សាយមួយចំនួន ពុំបានគិតថាអ្វីៗដែលកំពុងធ្វើនោះមានផលវិបាក ផលអាក្រក់ ប៉ះពាល់ដល់យុវជនយ៉ាងណា? ប៉ះពាល់ ឬក៏បំផ្លិចបំផ្លាញវប្បធម៌ល្អរបស់ជាតិដូចជា៖ ខ្សែភាពយន្តអាសអាភៀស គ្រឿងញៀន ថ្នាំសំរើប ភាពយន្តដែលបញ្ជាំងពីសកម្មភាពឆក់ប្លន់ ចាប់ជំរិត រំលោភ និងទស្សនាវដ្តិផ្លូវភេទជាដើម។

ខ.អ្នកត្រូវមានភារកិច្ចនិងអាកប្បកិរិយាបែបណាចំពោះបញ្ហានេះ៖

ខិតខំរៀនសូត្រ ទាំងចំណេះដឹងវិទ្យាសាស្ត្រ និងបច្ចេកទេស
សិក្សាស្វែងយល់ឱ្យបានច្បាស់ពីផលវិបាកដែលកើតឡើងដោយសារអំពើពាលារបស់យើង។
អប់រំនិងផ្សព្វផ្សាយដល់មិត្តភក្តិ គ្រួសារ និងអ្នកដទៃដែលនៅក្នុងសហគមន៍របស់យើង។

ត្រូវនិយាយថាទេចំពោះអំពើពាលាទាំងនេះ
សិក្សានិងស្វ័យសិក្សាពីការវិវត្តរបស់សង្គម

៤.ការបោះឆ្នោតគឺជាពេលវេលាដែលប្រជាជនចេញទៅជ្រើសរើសតំណាងតាមរយៈសន្លឹកឆ្នោត។ បានជាចាំបាច់មានការបោះឆ្នោតជ្រើសរើសតំណាសរាស្រ្តព្រោះនៅក្នុងលទ្ធិប្រជាធិបតេយ្យ ជាលទ្ធិលើកតំកើងប្រជាពលរដ្ធជាធំ ក្នុងការគ្រប់គ្រងប្រទេស។ របបប្រជាធិបតេយ្យត្រូវការឱ្យមានការបោះឆ្នោត ព្រោះឱ្យទៅធ្វើការជំនួសពួកគេ។ ការបោះឆ្នោតជួយឱ្យមានបំលាស់ប្តូវអ្នកដឹកនាំដោសន្តិវិធី តាមផ្លូវច្បាប់។ ការចុះឈ្មោះបោះឆ្នោតគេទាមទារលក្ខខណ្ឌដូចខាងក្រោម៖