តើរដ្ឋធម្មនុញ្ញជាអ្វី ? តើច្បាប់ជាអ្វី ? ចូររាប់ច្បាប់របស់ព្រះរាជាណាចក្រកម្ពុជាឲ្យបានចំនួន៥ ។

រដ្ឋធម្មនុញ្ញាៈ រដ្ឋ + ធម្ម + នុញ្ញ

• រដ្ឋៈ ប្រទេស ដែនដី រាស្រ្ត ប្រជាជន
• ធម្មៈ ច្បាប់ ទ្រឹស្តី សភាវៈទ្រទ្រង់
• នុញ្ញៈ ពេញលេញ គ្រប់គ្រាន់
• រដ្ឋធម្មនុញ្ញជាទ្រឹស្តីដែលពេញលេញគ្រប់គ្រាន់របស់រដ្ឋ
• រដ្ឋធម្មនុញ្ញ គឺជាគោលការគ្រឹះ ជាច្បាប់កំពូលរបស់រដ្ឋដែលមានអាទិភាពជាងគេ
• តាមវចនានុក្រមសម្តេចសង្ឃរាជ ជួន ណាត រដ្ឋធម្មនុញ្ញគឺជាច្បាប់បញ្ញត្តិសម្រាប់ ប្រទេសនីមួយៗ ជាច្បាប់ទុកជាគោលចារឹកក្នុងការគ្រប់គ្រងរដ្ឋនីមួយៗ ដែលសភាបានបញ្ញត្តិតែងតាំងឡើង ។

ច្បាប់គឹជាបទបញ្ញត្តិដែលកំណត់ដោយរដ្ឋដែលមានភាពទៀងទាត់ ត្រឹមត្រូវសម្រាប់ឲ្យពលរដ្ឋក្នុងសង្គមនីមួយៗ ត្រូវតែគោរពតាម  ។ ច្បាប់នៃសង្គមនីមួយៗអាចមានភាពផ្សេងៗគ្នាទៅតាមភាពជាក់ស្តែងរបស់សង្គមនោះ ។ មួយទៀតច្បាប់គឺជាវិធាន ចាលាយលក្ខណ៍អក្សរ ឬបទបញ្ញត្តិ ដែលមានអានុភាពជាទូទៅ និងជាអចិន្រ្តៃយ៍ដែលរដ្ឋសភាបានអនុម័តនិងដាក់ឲ្យប្រជាពលរដ្ឋ ទាំងអស់គោរពតាម ឬប្រតិបត្តិតាមរហូត ទាល់តែមានបទបញ្ញត្តិថ្មីមកកែប្រែ ឬលុបចោល ។

ច្បាប់នៅព្រះរាជាណាចក្រកម្ពុជាមានដូចជាៈ

• ច្បាប់សាធារណៈ
• ច្បាប់សភាពាណិជ្ជកម្ម
• ច្បាប់ឯកជន
• ច្បាប់ឯកពន្ធភាព
• ច្បាប់ភូមិបាល
• ច្បាប់ការងារ
• ច្បាប់អាពាហ៍ពិពាហ៍
• ច្បាប់សញ្ជាតិ
• ច្បាប់ចរាចរណ៍
• ច្បាប់ព្រហ្មទណ្ឌ
• ច្បាប់ប្រឆាំងនឹងការជួញដូរមនុស្ស...  ។