វិញ្ញាសាផែនដី ប្រឡងសញ្ញាបត្រមធ្យមសិក្សាទុតិយភូមិ ចំណេះទូទៅ និងបំពេញវិជ្ជា ( វិញ្ញាសារទី៤ )

សំនួរ

១. តើសារធាតុចិញ្ចឹមសំខាន់ពីរប្រភេទសម្រាប់ទ្រទ្រង់ជិវីតគឺអ្វីខ្លះ ?

២, តើវដ្តទាំងប្រាំដែលមាននៅក្នុងវដ្តជីវភូគព្ភគីមីមានអ្វីខ្លះ ?

៣. តើឥន្ធ​នៈផុស៊ីលមានកំណកំណើតដូច​ម្តេច ?

៤. តើឥន្ធនៈផូស៊ីលមានប៉ុន្មានប្រភេទ ? អ្វីខ្លះ ?

៥. ហេតុអ្វីបានជាគេចាត់ទុកឥន្ធ​នៈផុស៊ីលជាប្រភពធនធានថាមពលមិនកើតឡើងវិញ ?

ចម្លើយ

១. សារធាតុចិញ្ចឹមសំខាន់ពីរប្រភេទសម្រាប់ទ្រទ្រង់ជីវីតគឺ អុកស៊ីសែន និងទឹក​ដែលជាសារធាតុសំខាន់ក្នុងដំណើរប្រតិកម្មគីមីជាច្រើនដែលយើងត្រូវការ ។

២. វដ្តទាំងប្រាំដែលមាននៅក្នុងវដ្តជីវភូគព្ភគីមីមាន ៖ វដ្តទឹក ​វដ្តអុកស៊ីសែន វដ្តកាបូ​ន វដ្តផូស្វរ និងវដ្តអាសូត ។

៣. ឥន្ធនៈផូស៊ិលមានកំណកំនើតមកពីការពុកផុយនៃរុក្ខ​ជាតិ​ឬសត្វដែលស្លាប់កប់ក្នុងសំបកផែនដី ឬក្នុងសិលាអស់រយៈពេលរាប់លានឆ្នាំ ។

៤. ឥន្ធនៈផូស៊ីលមាន៣ប្រភេទគឺ ៖

• ឥន្ធនៈផូស៊ីលរឹងមាន ធ្យូងថ្ម ( ធ្យូងតូប ​ធ្យូបលីញីត ធ្យូងប៊ីទូម និងធ្យូងអង់ត្រាស៊ីត ) ។​
• ឥន្ធនៈផូស៊ីលរាវមាន ប្រេងឆៅ ( សាំង ម៉ាស៊ូត ប្រេងកាត ប្រេង​រំអិល.... ) ។
• ឧស្ម័នឥន្ធនៈផូស៊ីលមាន ឧស្ម័នធម្មជាតិ ( មេតាន អេតាន អិលភីជី-LPG ... ) ។

៥. បានជាគេចាត់ទុកឥន្ធនៈផូស៊ីលគឺជា ​ប្រភពធនធានថាមពលមិនកើតឡើងវិញព្រោះវាកកើតពីសំណល់​រុក្ខជាតិ និងសត្វដែលកប់នៅក្នុងសំបកផែនដីរយៈពេលរាប់លានឆ្នាំ  ។