បទពាក្យ ៧ កើតឡើងក្នុងរជ្ជកាលណា ? បទនេះអាចសូត្របានប៉ុន្មានបែប ? ចូរសិក្សាធាតុសំខាន់ៗនៃបទនេះ ។

បទពាក្យ ៧ ចាប់កំនើតឡើងក្នុងរជ្ជកាលព្រះបាទនរោត្តមនាចុងសតវត្សទី១៩ ។ បទពាក្យ ៧គេអាចសូត្របាន ៧បែប ៖

• បែបរាប់
• បែបទំនួញ
• បែបមេទ្រីបា
• បែបស្មូតចូលបរិនិព្វាន
• បែបកុមារបា
• បែបសាងផ្នួស
• បែបជូជ ។

សិក្សាធាតុសំខាន់ៗនៃបទនេះ ៖

• រង្វាស់កាព្យ រឺកាព្យមាត្រ ៖ ក្នុង១វគ្គមាន៤ឃ្លា ឃ្លានីមួយៗ មាន៧ ព្យាង្គ ។
• ចង្វាក់ ៖ ទំលាក់សំលេងលើព្យាង្គទី២ និងទី៤គ្រប់ៗឃ្លា ។
• បរិយាកាស ៖ បទនេះគេអាចប្រើបានគ្រប់បរិយាកាសទាំងអស់ ដូចជា រៀបរាប់ពីកំហឹងក្រេវក្រោធ ការតស៊ូ ភាពអន្លង់អន្លោចសេចក្តីទុក្ខសោក ការព្រាត់ប្រាស ភាពសប្បាយរីករាយ ការសន្ទនាឆ្លើយឆ្លងគ្នា ផ្តោះផ្តងគ្នា ការពណ៌នាអំពីសំរស់ធម្មជាតិ រឺការបង្ហាញអង្គការដើម ។ អាស្រ័យហេតុនេះហើយ បានជារឿងខ្មែរខ្លះប្រើតែបទពាក្យ៧នេះតាំងពីដើមរហូតដល់ចប់ ដូចជារឿងទុំទា....។
• បំនកស្រាយ ៖
• ជួនក្នុងវគ្គ ៖ ព្យាង្គទី៧នៃឃ្លាទី១ ចួន ព្យាង្គទី៤នៃឃ្លាទី២ ។ ព្យាង្គទី៧នៃឃ្លាទី២ ចួន ព្យាង្គទី៧នៃឃ្លាទី៣ ចួន ព្យាង្គទី៤នៃឃ្លាទី៤ ។
• ជួនឆ្លងវគ្គ ៖ ព្យាង្គទី៧នៃឃ្លាទី៤ ក្នុងវគ្គទី១ ចួន ព្យាង្គទី៧ នៃឃ្លាទី២ ក្នុងវគ្គទី២ និងជួនបន្តបន្ទាប់ ។