បទកាកគតិ មានន័យដូចម្តេច ? បទនេះអាចសូត្របានប៉ុន្មានបែប ? ចូរអ្នកសិក្សាធាតុសំខាន់ៗនៃបទនេះ ។

កាកគតិ មានន័យថា ដំណើរក្អែក ។ បទនេះអាចសូត្របាន១១បែបគឺ ៖

• បែបក្មេង
• បែបរាប់
• បែបក្អែកលោត
• បែបពណ៌នា
• បែបទំនួញ
• បែបផ្ចាញ់មារ
• បែបក្អែកបូល
• បែបស្មូតត្រៃលក្ខណ៍
• បែបកាកកាត់ត្រើយ
• បែបស្មូតសាងផ្នួស
• បែបពិលាប ។

សិក្សាធាតុសំខាន់ៗនៃបទនេះ ​៖

• រង្វាស់កាព្យ ៖ ក្នុង១វគ្គ មាន៧ឃ្លា ។
• ចង្វាក់ ៖ បទនេះមានចង្វាក់ស្មើ មិនលើកមិនដាក់តែរន្ថើនៗមានទំនងដូចដំនើរក្អែក ហើយទំលាក់សំលេងលើព្យាង្គទី២រៀងរាល់ឃ្លា ។
• បរិយាកាស ៖ សំរាប់ពណ៌នាអំពីទីកន្លែង តួអង្គ ធម្មជាតិពិសេសក្នុងពិធីផ្តើមរឿង ។ ជួនកាយ គេប្រើបទនេះក្នុងការសំដែងទុក្ខសោកដែរ ។

បំណកស្រាយ

• ជួនក្នុងវគ្គ ៖ ព្យាង្គទី៤ នៃឃ្លាទី១ ចួន ព្យាង្គទី៤ នៃឃ្លាទី២ ។
• ព្យាង្គទី៤នៃឃ្លាទី៣ ចួន ព្យាង្គទី៤ នៃឃ្លាទី៥ ចួន ព្យាង្គទី៤នៃឃ្លាទី៦ ។
• ព្យាង្គទី៤ នៃឃ្លាទី៤ ចួន ព្យាង្គទី២ នៃឃ្លាទី៥ ។
• ជួនឆ្លងវគ្គ ៖ ព្យាង្គទី៤ នៃឃ្លាទី៧ក្នុងវគ្គទី១ ចួន ព្យាង្គទី៤នៃឃ្លាទី៣ក្នុងវគ្គទី២ ។