តើនិមិត្តសញ្ញានៃក្រសួងអប់រំ យុវជន និងកីឡាមានរូបសញ្ញាអ្វីខ្លះ ? ហើយមានអត្ថន័យយ៉ាងដូចម្តេច ?

និមិត្តសញ្ញានៃក្រសួងអប់រំ យុវជន និងកីឡាមានរូបសញ្ញានិងអត្ថន័យដូចតទៅ៖

• ក្បាច់ភ្ញីទេសពណ៌មាស

ព័ទ្ធជារង្វង់តំណាងឲ្យវប្បធម៌ខ្មែរ និងជានិមិត្តរូបនៃស្រទាប់យុវជនខ្មែរដែលកំពុងសិក្សា រៀនសូត្រ អប់រំដែលមានការរីកចម្រើន លូតលាស់ជាផ្លែ​ផ្កា ។

• រង្វង់មូលទ្រភ្លើងគប់ពណ៌មាស

គឺជានិមិត្តរូបនៃវិស័យ កីឡា ដែលមានយុវជន ជាអ្នកទ្រទ្រង់និងបន្តវេនរៀងរហូតទៅ ។

• កាំរស្មីពណ៌មាសតាំងបំភ្លឺឡើងផ្ទៃមេឃ

គឺជាពន្លឺនៃវិជ្ជាអប់រំខាងសតិបញ្ញា ស្មារតី ដល់បងប្អូន ប្រជាជនខ្មែរទូទាំងព្រះរាជាណាចក្រកម្ពុជា ។

• កំណត់ខ្សែពណ៌ផ្ទៃមេឃដែលមានចារឹកអក្សរ«ក្រសួង អប់រំ យុវជន និងកីឡា « ជានិមិត្តរូបតំណាងឲ្យវិស័យអប់រំ សិក្សា ដែលមានទំនាក់ទំនងជាមួយអន្តរជាតិនូវទូទាំងពិភពលោក ។