នៅក្នុងសង្គមមនុស្ស ដើម្បីភ្ជាប់ចំណងស្នេហារវាងស្រីម្នាក់ ប្រុសម្នាក់បាននោះ តើម្នាក់ៗត្រូវបំពេញលក្ខខណ្ឌអ្វីខ្លះជាចាំបាច់ ។ លក្ខខណ្ឌនីមួយៗគឺទាមទារអោយភាគីម្នាក់ៗមានអ្វីខ្លះជាមូលដ្ឋាន ?

ដើម្បីភ្ជាប់ចំណងស្នេហារវាងស្រីម្នាក់ប្រុសម្នាក់លុះត្រាតែភាគីម្នាក់ៗមានការយល់ព្រមបំពេញលក្ខខណ្ឌចាំបាច់មួយចំនួន ។ លក្ខខណ្ឌនីមួយៗ វាទាមទារអោយភាគីនីមួយៗមួយលក្ខណៈដូចតទៅ ៖

• លក្ខខណ្ឌសំភារៈ តំរូវអោយម្នាក់ៗមានសុខភាពគ្រប់ គ្រាន់មានមុខរបរចិញ្ចឹមជីវិតរៀងៗខ្លួន មានធនធានប្រាក់កាសគ្រប់គ្រាន់ ដើម្បីធ្វើជាទុនរកស៊ី កូនប្រុសត្រូវមានភាពវាងវៃ កូនស្រីត្រូវមានលទ្ធភាពថែរក្សាចិញ្ចឹមកូនចេះវិជ្ជាមេផ្ទះ មានសមត្ថភាពផ្ទាល់ខ្លូន ដោះស្រាយបញ្ហានានាដែលកើតមានចំពោះមុខ ។
• លក្ខខណ្ឌវេទនា គឺតំរូវអោយភាគីទាំងពីរមានសេចក្តីស្នេហាស្មោះរវាងគ្នានឹងគ្នា មានសិទ្ធិសំរេចចិត្តច្បាស់លាស់ខ្លួនឯងដោយគ្មានការបង្ខំ គំរាមកំហែងពីឪពុកម្តាយ មេសាសនា រឺអ្នកមានអំណាចណាមួយ ។
• លក្ខខណ្ឌសង្គម គឺគូភាគទាំងពីរត្រូវបំពេញករណីយកិច្ចស្របតាមបរិយាកាសសង្គមដែលខ្លួនរស់នៅ ។ ពួកគេក៏អាចទាមទារពីសង្គមនូវការធានាទទួលខុសត្រូវនៃការរស់នៅរបស់ពួកគេដែរ ។
• លក្ខខណ្ឌខាងផ្លូវសីលវិជ្ជា គឺភាគីទាំងពីរត្រូវតែចុះហត្ថលេខាទទួលខុសត្រូវមុខសាក្សីជាភស្តុតាងការពារសេចក្តីសុខទាំងសងខាង ។