យើងធ្លាប់ស្គាល់រួចមកហើយអំពីវង់ភ្លេងឆៃយុំា ។ ពេលគេប្រគំម្តងៗចង្វាក់ភ្លេងមានលក្ខណៈលោតៗនិងភ្ញាក់ម្តងតិចម្តងខ្លាំង តើវង់ភ្លេងនេះមានប្រវត្តិដូចម្តេច ? គេប្រគុំនៅពេលណាខ្លះ ?

គេប្រគំភ្លេងឆៃយុំាក្នុងពិធីបុណ្យដែលរីករាយដូចជាលេងកំដរបុណ្យកឋិន បុណ្យផ្កា បុណ្យបំបួសនាជាដើម ។ ភ្លេងឆៃយុំាជាភ្លេងរំភើបសប្បាយ រស់រវើកប្លែកពីភ្លេងឯទៀត ។ ប៉ុន្តែពេលគេប្រគំម្តងៗចង្វាក់ភ្លេងមានលក្ខណៈលោតៗ ភ្ញាក់ៗច្រម៉ាច់ត្រមើមគួរចង់សើចមានអ្នកខ្លះយល់ថាវង់ភ្លេងនេះមានកំណើកចេញពីមនុស្សជំនាន់ដើមចង្វាក់ភ្លេងមានលក្ខណៈភ្ញាក់ផ្អើលប្រៀបបានទៅនឹងសត្វព្រៃភ្ញាក់លផ្អើលនៅពេលឃើញមនុស្ស ។

          អ្នកខ្លះទៀតយយល់ថាវង់ភ្លេងនេះសំដែងពីការទទួលជោគជ័យគេសប្បាយរីករាយត្រេកអរខ្លាំងហើយក៏បង្កើតវង់ភ្លេងឆៃយុំានេះឡើងដើម្បីរំលឹកដល់ជ័យជំនះដែលគេទទួលបាន ។