កន្លងមកមានខ្មែរយើងមួយចំនួនបានភាន់ច្រឡំថា វង់ភ្លេងពិណពាណ្យថាជាភ្លេងសៀមទៅវិញ ។ តើភ្លេងនេះមានប្រភពមកពីណា ? ប្រើបាននៅពេលណាខ្លះ ?

គេហៅភ្លេង ពិណពាណ្យកាលពីដើមគេនិយមពិណចេញផ្តើមមុនគេ ។ កន្លងមកខ្មែរយើងមួយចំនួនបានភាន់ច្រឡំថាភ្លេងសៀម ។ តាមពិតសៀមយកពីខ្មែរទៅវិញទេ ។ តាមប្រវត្តិសាស្រ្តបញ្ជាក់ថា ភ្លេងពិណពាណ្យមានដើមកំណើតនៅឥណ្ឌាតាំងពីសតវត្សទី១នៃគ្រិស្តសករាជ លុះមកដល់សម័យក្រោយខ្មែរ៏បានកែច្នៃ ផ្លាស់ប្តូរថែមថយឧបករណ៍ភ្លេងឲ្យក្លាយជារបស់ខ្មែរ ។

          សព្វថ្ងៃនេះគេបានលរៀបចំភ្លេងពិណពាណ្យជា២វង់៖  ពិណពាណ្យវង់តូចមានឧបករណ៍ភ្លេងចំណួន៥គ្រឿង ។ ពិណពាណ្យវង់ធំមានឧបករណ៍ចំនួន១០គ្រឿង ។

មានវង់ភ្លេងពិសេសមួយបែបទៀតហៅថាក្រុមមហោរី ព្រះរាជទ្រព្យ មានឧបករណ៍ចំរុះច្រើនយ៉ាងដល់ទៅ១៦គ្រឿង ។

ខ្មែរយើងប្រើភ្លេងពិណពាណ្យក្នុងពិធីផ្សេងៗដូចជា៖

• ក្នុងរបាំបុរាណ បន់ស្រន់ លាបំណន់
• ក្នុងពិធីសសនា បុណ្យកឋិន ផ្កា បំបួសនាគ ពុទ្ធាភិសេក ... ជួនកាលប្រើក្នុងពីធីតម្កល់សពផងដែរ​។