តាមជំនឿរបស់ជនជាតិខ្មែរ តើការខុសឆ្គងចំពោះមេបាមានប៉ុន្មានបែប ? អ្វីខ្លះ ?

តាមជំនឿរបស់ជនជាតិខ្មែរយើង ការខុសឆ្គងចំពោះមេបាមានបី បែបគឺ ៖

• ការទទួលខុសត្រូវមេបាចាស់ទុំ ៖ បញ្ហានេះជាបម្រាមដល់បងប្អូនទាំង ៧សណ្តាន ក្នុងការទាស់ទែងខ្វែងគំនិតគ្នា បើមានខុសហើយគ្រួសារនោះប្រាកដជាមានជំងឺ ។ ហេតុដូចនេះបងបប្អូនទាំងអស់ត្រូវមកជួបជុំគ្នាដើម្បីរៀបចំពិធីសុំខមាលទោសមេបាឱ្យឈប់ខឹង ឈប់ប្រកាន់កូនចៅហើយសន្យាថាឈប់ទាស់ទែងគ្នាទៀត ។
• ខុសមេបាក្រមុំ កំលោះ ៖ សំដៅទៅលើការបំពានរបស់ក្រមុំ កំលោះក្នុងផ្នែកសីលធម៌ គឹការលួចទាក់ទងគ្នាប្រព្រឹត្តខុសប្រពៃណីមិនឱ្យឪពុកម្តាយដឹង ។ មេបាខឹងសម្បារក៏អាចអោយសមាជិកនៃគ្រួសារណាមួយមានជំងឺ ។ ទោះរកឃើញអ្នកធ្វើខុសនោះគេហៅអ្នកដែលធ្វើខុសនោះទៅសែនព្រេនសុំទោស និងសុំឱ្យអ្នកជំងឺនោះជាសះស្បើយ ។
• ខុសមេបាផ្តាប់មុខ ឬបិតមុខ ៖ សំដៅលើការប្រព្រឹត្តអំពើក្បត់របស់ស្រ្តី ។ នៅក្នុងទំនៀមទម្លាប់ខ្មែរ នារីមានតួនាទីចម្បងក្នុងគ្រួសារក៏ដូចជាសង្គមដែរ ត្រូវធ្លាក់ចុះគឺ ប្រាសចាកគន្លងសីលធម៌របស់មេបា ។