ចូរប្រាប់ពីអត្ថន័យរបស់ពាក្យ “ស្លាកន្សែង,ស្លាដម , ស្លាត្រួយ , ស្លាធម៌” រួចបបង្ហាញថាខ្មែរយើងប្រើវាក្នុងពិធីអ្វី ?

អត្ថន័យ និងពិធីទាក់ទងនឹងពាក្យ “ស្លាកន្សែង ស្លាជម ស្លាត្រួយ ស្លាធម៌” គឺ ៖

• ស្លាកន្សែង ៖ គឺជាម្លូស្លាដែលវេចនឹងកន្សែងធំៗ ប្រើក្នុងពិធីដណ្តឹងកូនស្រីអោយកូនប្រុស ។
• ស្លាជម ៖ គឺជាកំណត់ដើមចេកស្រស់ដែលចិត្តប៉ែកខាងលើបំផុតអោយមានរាងជ្រលម ហើយមូរស្លឹកម្លូដោតកន្លាស់ខ្ទាស់បង្កោងបន្តិចជាបីជ្រុង ឬជាបួនជ្រុង ប្រើក្នុងពិធីរៀបព្រះពិស្តុការ ។
• ស្លាត្រួយ ៖ គឺកញ្ច​ប់ស្លឹកចេកស្រស់ខ្ទាស់រាងតូចស្រួចចុងដើមស្មើគ្នា មានដាក់ម្លូស្លាខាងក្នុង សំរាប់ប្រើក្នុងពិធីបុណ្យទានតាមសណ្តាប់ខ្មែរសម័យបុរាណ ។
• ស្លាធម៌ ៖ គឺប្រដាប់ធ្វើដោយកំនាត់ចេក រឺកូនចេកតូចមានជើង មានដោតម្លូស្លា និងផ្កាសំរាប់គ្រឿងបូជា រឺជាលំអក្នុងវេលានិមន្តព្រះភិក្ខុសង្ឃសូត្រចំរើនព្រះបរិត្ត ។