វិញ្ញាសាត្រៀមប្រលង បាក់ឌុបមុខវិជ្ជាផែនដីវិទ្យា ( វិញ្ញាសាទី២៨ )

សំនួរ

១. តើយើងត្រូវសង្កេតទៅលើអ្វីខ្លះ ដើម្បីកំណត់អត្តសញ្ញាណរ៉ែ ?

២. តើរ៉ែមានកំណកំណើតដូចម្តេច ?

៣. តើការធ្វើអាជីវកម្មរ៉ែផ្តល់ផលប៉ះពាល់អ្វីខ្លះដល់បរិស្ថាន និងសង្គម​ ?

ចម្លើយ

១. ដើម្បីកំណត់អត្តសញ្ញាណរ៉ែ យើងត្រូវសង្កេតទៅលើ ពណ៌ ស្នាមពណ៌ ផ្លេកលោហៈ ដង់ស៊ីតេ ភាពរឹង ប្រព័ន្ធគ្រាប់ក្រាម ស្នាមប្រេះ និងបំណែក ។

២. រ៉ែមានកំណកំណើតមកពីៈ

• ម៉ាក់ម៉ា និងកំអែភ្នំភ្លើង
• រំហួតសូលុយស្យុង និងសូលុយស្យុងទឹកក្តៅ
• មកពីសិលាប្រែកំណើត ។

៣. ការធ្វើអាជីវកម្មរ៉ែ ផ្តល់ផលប៉ះពាល់ដល់បរិស្ថាន និងសង្គមដូចជាៈ

បរិស្ថាន

• បំពុលបរិយាកាស ដោយារការប្រើប្រាសថាមពលយ៉ាងច្រើនក្នុងការជីកយករ៉ែនិងដំណឹកជញ្ជូនដែលបណ្តាលឲ្យមានភ្លៀងអាស៊ីត និងកំណើនកម្តៅផែនដី
• បំពុលទឹកលើដី និងក្រោមដី
• ធ្វើឲ្យប្រែប្រួលរូបរាងរបស់ដីស្រទាប់លើ
• ការបោះបង់ដីចោលអាចបណ្តាលឲ្យបាត់បង់ដី ដោយសារតែកង្វក់ដោយសារធាតុគីមីការបំផ្លាញស្រទាប់ដីមានជីជាតិ ធ្វើឲ្យខូចខាត្ទៃដីជាអចិន្រ្តៃយ៍ បាត់បង់ព្រៃឈើនិងជម្រកសត្វព្រៃ ។

សង្គម

• អគារត្រូវបំផ្លាញយ៉ាងធ្ងន់ធ្ងរដោយសារការស្រុតដី ផ្លូវថ្នល់ និងដីសម្រាប់កសិកម្ម
• ការរំខានដោយសូរសំលេង ដល់ប្រជាជនដែលរស់នៅជុំវិញតំបន់នោះ
• ការសាយភាយសារធាតុគីមី បង្កឲ្យមនុស្សមានជម្ងឺផ្សេងៗ.... ។

វិញ្ញាសាទី២៩