វិញ្ញាសាត្រៀមប្រលង បាក់ឌុបមុខវិជ្ជាផែនដីវិទ្យា ( វិញ្ញាសាទី២០ )

សំនួរ

១. តើការធ្វើអាជីវកម្មរ៉ែផ្តល់ផលប៉ះពាល់អ្វីខ្លះ ដល់បរិស្ថាននិងសង្គ​ម ?

២. ដើម្បីអភិរក្សធនធានរ៉ែ តើត្រូវធ្វើដូចម្តេចខ្លះ ? ការប្រើមធ្យោបាយទាំងនោះ ផ្តល់សារៈប្រយោជន៍អ្វីខ្លះដល់បរិស្ថាន ?

៣. តើភពផែនដីមានចលនាអ្វីខ្លះ ?

៤. តើចលនាមួយណាបង្កើតបានជាថ្ងៃនិងយប់ ?

៥.​តើលោកឃីព្ល័របានរកឃើញអ្វីទាក់ទងនឹងគន្លងរបស់ភព ?

ចម្លើយ

១. ការធ្វើអាជីវកម្មទាញយកផលនៃរ៉ែ ផ្តល់ផលប៉ះពាល់ដល់បរិស្ថាននិងសង្គមដូចតទៅ៖

• ខូចខាតដីៈ ដីរងការបំពុល
• បំពុលទឹកៈ ការហៀរកំពប់ប្រេងកាតចូលក្នុងទឹក
• កំណកដីខ្សាច់ៈ ទន្លេឆាប់រាក់ បាត់បង់ជីវៈចម្រុះ
• បន្សល់នូវសំណល់រឹងៈ គ្រោះថ្នាក់ដល់សុខភាពមនុស្ស
• សំណល់វិទ្យុសកម្មគ្រោះថ្នាក់ដល់សុខភាព.... ។

២. ដើម្បីអភិរក្សធនធានរ៉ែ គេត្រូវកាត់បន្ថយបម្រើបម្រាស់ដែលត្រូវការរូបធាតុរ៉ែ ដោយរិះរកធនធានដទៃមកប្រើប្រាស់ជំនួសឬយើងត្រូវប្រើប្រាស់របស់របរណាដែលមានកំណែច្នៃជាថ្មីបាន ។ ហើយការប្រើប្រាស់មធ្យោបាយទាំងនេះផ្តល់សារៈប្រយោជន៍ច្រើន ដល់បរិស្ថានដូចជាៈ

• ពន្យារយៈពេលនៃការផ្គត់ផ្គង់រ៉ែៈ ទៅតាមការកាត់បន្ថយបរិមាណរូបធាតុ ដែលត្រូវទាញយក
• ទាមទារថាមពល តិចជាងការទាញយករ៉ែពីក្នុងដី
• មានការបំពុលតិចនិងធ្វើឲ្យខូចខាតដីតិច
• បន្ថយថ្លៃចាក់សំណល់ចោល និងពន្យាអាយុកន្លែងទុកដាក់សំណល់ តាមរយៈការកាត់បន្ថយមាឌសំណល់រឹង
• កាត់បន្ថយផលប៉ះពាល់បរិស្ថាននៃការទាញយកនិងការធ្វើប្រព្រឹត្តកម្មរ៉ែ ។

៣. ភពផែនដីយើងមានចលនាពីរយ៉ាងគឺៈ ចលនារង្វិលជុំ និងចលនារង្វិលខ្ញាល់ ។

៤. នៅក្នុងចំណោមចលនាទាំងពីរ ចលនាដែលបង្កើតឲ្យមានថ្ងៃនិងយប់គឺចលនារង្វិលខ្ញាល់ ។

៥. ទាក់ទងនឹងគន្លងរបស់ភពលោកឃីព្ល័របានរកឃើញថាគន្លងរបស់ភពទាំងអស់ធ្វើចលនាក្នុង គន្លងរាងអេលីបសូអ៊ីតជុំវិញព្រះអាទិត្យ ។

វិញ្ញាសាទី២១