វិញ្ញាសាមុខវិជ្ជាជីវៈវិទ្យា ( វិញ្ញាសាទី៤៣ )

សំនួរ

១.  ករនេគឺជាអ្វី ? លក្ខណៈកោងនៃករនេមានប្រយោជន៍អ្វី ?      

២. ប្រូតេអ៊ីនជាអ្វី ? ម៉ូលេគុលប្រួតេអ៊ីនដែលទាបជាងគេបំផុតហៅថាអ្វី ?

៣. ប្រូតេអ៊ីនមានសារៈសំខាន់ចំពោះសារពាង្គកាយដូចម្តេចខ្លះ ?

៤. តើអរម៉ូន LH  និងអរម៉ូន FSH ផលិតដោយក្រពេញណា ? ហើយមានទំនាក់ទំនងជាមួយក្រពេញភេទដូចម្តេច ? ចូរពន្យល់ដោយសង្ខេប ។

៥. ចូរពិពណ៌នាពីនាទីរបស់ ARNt និង ARNr ក្នុងចលនាសំយោគប្រួតេអ៊ីន ?

ចម្លើយ

១. ករនេ គឺជាផ្នែកមួយដែលស្ថិតនៅផ្នែកខាងមុខនៃគ្រាប់ភ្នែកដែលជាភ្នាសក្លរ៉ូទិចឡើងថ្លាហើយប៉ោង ។ ករនេមានរូបរាងកោងជាងទម្រង់របស់ភ្នែកទាំងមូល ។

លក្ខណៈកោងនៃករនេមានប្រយោជន៍ដូចជា ជួយពន្លត់កាំរស្មីនៃពន្លឺដែលជាចាំងចូលមកក្នុងកែវភ្នែកឲ្យរួមជួបជាមួយគ្នាទៅកន្លែងតែមួយលើភ្នាសរេទីន ។

២. ប្រូតេអ៊ីនជាប៉ូលីមែនៃអាស៊ីតអាមីនេដែលបង្កឡើងដោយច្រវាក់ប៉ូលីប៉ិបទីតមួយឬច្រើន ។ ម៉ូលេគុលប្រូតេអ៊ីនដែលទាបជាងគេបំផុតហៅថា ប៉ិបទីតឬប៉ូលីប៉ិបទីត ។

៣. ប្រូតេអ៊ីនមានសារៈសំខាន់ចំពោះសារពាង្គកាយដូចជា ប្រូតេអ៊ីនជាសមាសធាតុគ្រឹះនៃជីវីតដែលបង្កើតនូវរាល់សមាសភាពនៃសារពាង្គកាយ ។ ក្នុងដំណើរប្រព្រឹត្តទៅវិញនៃសារពាង្គកាយប្រូតេអ៊ីនមាននាទីជាកាតាលីករ ជាអរម៉ូន ជាអង់ស៊ីម ជាអង់ទីកេ ជាប្រូតេអ៊ីនទម្រង់ជាអ្នកដឹកនាំ និងជាអ្នកធ្វើចលនា ។​

៤. អរម៉ូន LH និងអរម៉ូន FSH គឺផលិតដោយក្រពេញអ៊ីប៉ូភីសមុខ ។ វាមានទំនាក់ទំនងជាមួយក្រពេញភេទដូចជាៈ

ចំពោះអូវែ ឬក្រពេញភេទញីៈ

• អរម៉ូន LH ធ្វើឲ្យកោសិកាផូលេគុលក្រាបផ្ទះបែក  និងបញ្ចេញអូវុល ។ ផ្ទះលេគុលបែកនេះក្លាយជាអង់លឿងហើយក៏បញ្ចេញអរម៉ូនប្រូតេអ៊ីន និងអរម៉ូនអីស្រ្តូសែន ។
• អរម៉ូន FSH ភ្ញោចកោសិកាផ្ទះលេគុលនៃអូវែឲ្យបញ្ចេញអរម៉ូនអីស្រ្តូសែន ។

ចំពោះពងស្វាស ឬក្រពេញភេទឈ្មោលៈ

• អរម៉ូន LH ភ្ញោចកោសិកាផូលេគុលអាំងស្ទែស្យែលឲ្យបញ្ចេញអរម៉ូនតេស្តូស្តេរ៉ូន
• អរម៉ូន​ FSH ភ្ញោចកោសិកាស៊ែតូលីក្នុងបំពងសឺមីនីភែដើម្បីធានាកំណត់កាម៉ែត ។

៥. នាទីរបស់ ARNt និង ARNr ក្នុងចលនាសំយោគប្រូតេអ៊ីនៈ

• ARNt មាននាទីដឹកនាំអាស៊ីតអាមីនេពីស៊ីតូប្លាសចូលទៅក្នុងរីបូសូម និងទទួលស្គាល់កូដុងរបស់ម៉ូលេគុល ARNm ដោយអង់ទីកូដុងដើម្បីចូលរួមបកប្រែព័ត៌មានសេនេទិច ឲ្យទៅជាប្រូតេអ៊ីន ។
• ARNr មាននាទីភ្ជាប់ជាមួយ ARNm សំយោគប្រូតេអ៊ីន ។​វាជារោងជាងសាងសង់ប្រូតេអ៊ីន ។