តើគោលការណ៍គ្រឹះនៃក្រមសីលធម៌មេធាវីមានអ្វីខ្លះ ?

គោលការណ៍គ្រឹះនៃក្រមសីលធម៌មេធាវីមានដូចជា​ ៖

• មេធាវីត្រូវគោរពពាក្យសម្បថរបស់ខ្លួន គោរពគោលការណ៍នៃសម្បជញ្ញៈ មនុស្សធម៌ និងសេចក្តីថ្លៃថ្នូរនៃវិជ្ជាជីវៈ
• មេធាវីមិនត្រូវចូលរួមនឹងសកម្មភាព ដែលមានលក្ខណៈផ្ទុយនឹងច្បាប់ វិធានវិជ្ជាជី​វៈ និងសម្បជញ្ញៈរបស់ខ្លួនឡើយ ។
• មេធាវីមានសេរីភាព និងឯករាជ្យភាពក្នុងការប្របកវិជ្ជាជីវៈរបស់ខ្លួន ។
• មេធាវី​ត្រូវគោរព និងប្រតិបត្តិនូវគោលការណ៍សុចរិតភាព និងភាពស្មោះត្រង់ ។
• មេធាវីត្រូវប្រកាន់ឲ្យបានខ្ជាប់ខ្លួនដាច់ខាតនូវការសម្ងាត់វិជ្ជាជីវៈ ។
• មេធាវីបញ្ជាក់ពីភាពត្រឹមត្រូវនៃមុខងាររបស់ខ្លួន តាមរយៈវិញ្ញាបនបត្រដែលចេញដោយគណៈមេធាវី ។
• មេធាវីត្រូវពាក់អាវវិជ្ជាជីវៈមេធាវីនៅពេលចូលរួមពិធីផ្លូវការ ឬបុណ្យគណៈមេធាវី ចំពោះមុខសវនានិងយុត្តាធិការគ្រប់ប្រភេទលើកលែងតែមានប្រពៃណីផ្ទុយពីនេះ ។