សំណួរ-ចម្លើយ សទ្ទានុក្រម រដ្ឋប្បវេណី (ភាគ២០)

សំណួរ

៩៦- តើអធិការសំដៅដល់អ្វី ?

៩៧- តើអនុតំណាងសំដៅដល់អ្វី ?

៩៨- តើអនុប្បទានសំដៅដល់អ្វី ?

៩៩- តើអហេតុកផល (សេចក្តីចម្រើនដោយឥតហេតុ) សំដៅដល់អ្វី ?

១០០- តើអាជ្ញាយុកាលសំដៅដល់អ្វី ?

ចម្លើយ

៩៦- អធិការ តាមក្រមរដ្ឋប្បវេណី មានន័យថា បុគ្គលដែលតុលាការជ្រើសតាំងតាមការទាមទាររបស់អភិបាល ដើម្បីធ្វើការស្រាវជ្រាវអំពីទ្រព្យសម្បត្តិ ដែលជាវិភាគទានក្រៅពីប្រាក់ ឬទ្រព្យសម្បត្តិដែលបុគ្គលណាម្នាក់បានសន្យានៅក្នុងលក្ខន្តិកៈនៃការបង្កើតនីតិបុគ្គល ថានឹងធ្វើអនុប្បទានទៅឲ្យនីតិបុគ្គលនោះ ក្រោយពីការបង្កើតនីតិបុគ្គល ។

៩៧- អនុតំណាង សំដៅដល់អ្នកដែលជ្រើសតាំងឡើង ដោយអ្នកតំណាង ហើយដែលមានសិទ្ធិ និងករណីយកិច្ច​ចំពោះម្ចាស់សិទ្ធិ ដូចអ្នកតំណាងដែរ ។

៩៨- អនុប្បទាន សំដៅដល់ការផ្ទេរសិទ្ធិ ឬទ្រព្យសម្បត្តិរបស់បុគ្គលណាម្នាក់ ដែលជាអនុប្បទាយីទៅឲ្យបុគ្គលម្នាក់ទៀតដែលជាអនុប្បទានិក ។

៩៩- អហេតុកផល (សេចក្តីចម្រើនដោយឥតហេតុ) សំដៅដល់ការទទួលផលប្រយោជន៍ដោយសារទ្រព្យសម្បត្តិ ឬពលកម្មរបស់អ្នកដទៃដោយគ្មានមូលហេតុ តាមផ្លូវច្បាប់ ហើយធ្វើឲ្យកើតមានការបាត់បង់ផលប្រយោជន៍ដល់អ្នកដទៃដោយសារការទទួលផលនោះ ។

១០០- អាជ្ញាយុកាល សំដៅដល់អំឡុងពេលមួយដែលកំណត់ដោយច្បាប់ ។ ការកន្លងហួសនៃអំឡុងពេលនេះ បង្កើតឲ្យមានអានុភាពនៃលទ្ធកម្ម ឬការរលត់សិទ្ធិណាមួយ ។

តភាគ