កុំបោះបង់ខ្លួនឯង

_កុំបោះបង់ខ្លួនឯង ប្រសិនជាអ្នកដទៃមិនត្រូវអ្នក ព្រោះមានតែអ្នកប៉ុណ្ណោះដែលដឹងពីចិត្ត និងតម្រូវការនៃខ្លួនឯង។ បណ្តោយគេទៅ គ្មាននរណាដែលនឹងមកស្រឡាញ់ ចូលចិត្តយើងទាំងអស់នោះទេ មានអ្នកស្រឡាញ់ ប្រាកដជាមានអ្នកស្អប់ហើយ។

_ធ្វើទៅប្រសិនជាវាមិនប៉ះពាល់ដល់អ្នកដទៃ ធ្វើចុះប្រសិនជាវាជាចំណង់ចំណូលចិត្តរបស់អ្នក។ អ្នកដទៃគ្មានសិទ្ធមកបង្អាក់ដំណើររបស់អ្នកបានឡើយ ប្រសិនជាអ្នកមិនព្រមឈប់ដោយសារសម្តីរបស់គេ។

_អ្នកដទៃមិនអាចមានសិទ្ធិក្នុងជីវិតរបស់អ្នកនោះទេ មនុស្សម្នាក់ៗគឺមានសិទ្ធិជាម្ចាស់ការលើខ្លួនឯងរៀងៗខ្លួន។ បច្ចុប្បន្នភាពនឹងធ្វើឱ្យអ្នកឃើញថា មានអ្នកខ្លួនឯងប៉ុណ្ណោះដែលស្មោះនឹងខ្លួនឯង។

_កុំបោះខ្លួនឯងចោលដោយសារតែអារម្មណ៍ខឹងមួយឆាវ ញញឹមឡើង ញញឹមហើយស៊ូបន្ត ជីវិតរបស់អ្នកមានតម្លៃណាស់មិនត្រូវមកបញ្ចប់ដោយសារតែអ្នកដទៃឡើយ។

អត្ថបទ: ខ្លឹមសារ-KlemSa