ដូចម្តេចដែលហៅថា វប្បធម៌ សន្តិភាព ? តើត្រូវធ្វើដូចម្តេចដើម្បីឲ្យមានវប្បធម៌សន្តិភាព ?

វប្បធម៌សន្តិភាព ជាតម្លៃនៃគុណធម៌ចរិយាធម៌ និងគ្រប់រូបភាពនៃឥរិយាបទ ដែលឆ្លុះបញ្ចាំងពីការគោរពជីវិត ការគោរពចំពោះមនុស្សជាតិ និងភាពថ្លៃថ្នូររបស់គេ គោរពសិទ្ធិមនុស្ស និងការបដិសេធចោលនូវរូបភាពនៃអំពើហិង្សា ព្រមទាំងការគោរពនូវ​គោលការណ៍សេរីភាព យុត្តិធម៌ សាមគ្គីភាព មានអធ្យាស្រ័យ និងការយោគយល់គ្នារវាងក្រុមមនុស្ស និងបុគ្គល ។

          ដើម្បីបង្កើតឲ្យមានវប្បធម៌សន្តិភាពគឺ ត្រូវ៖

• យល់ដឹងឲ្យបានច្បាស់លាស់ពីសង្គមហួស សម័យ និងប្រពៃណីពិតប្រាកដ
• សម្រុះសម្រួលរវាងប្រពៃណី និងវប្បធម៌ដោយរួមបញ្ចូលទាំងការគោរពភាពថ្លៃថ្នូររបស់មនុស្សជាតិ
• យល់ដឹងថាច្បាប់ធ្វើឲ្យមានសេរីភាពហើយ សេរីភាពគ្មានការសង្កត់សង្កិន
• ដោះស្រាយជម្លោះនានាដោយសន្តិវិធី តាមបែបអាជ្ញាកណ្តាលគឺ ប្រកាន់ជំហរ ឧបេក្ខា
• ជំនះការភ័យខ្លាចក្នុងអតីតកាលដោយក្តាប់ឲ្យបាននូវអំពើហិង្សាគ្រប់រូបភាព
• វិលមករកសាមគ្គីភាពពិតៗ ហើយជម្រុញឲ្យសង្គមធ្វើដំណើរទៅរកវប្បធម៌សន្តិភាព ។