វិញ្ញាសាផែនដី ប្រឡងសញ្ញាបត្រមធ្យមសិក្សាទុតិយភូមិ ចំណេះទូទៅ និងបំពេញវិជ្ជា ( វិញ្ញាសាទី៥៨ )

សំនួរ

១. តើខ្លួនប្រាណភាវរស់ផ្សំឡើងពីទឹកប៉ុន្មានភាគរយ ?

២ . ដូចម្តេចដែលហៅថា វដ្តទឹក ?

៣. តើវដ្តទឹកមានឥទ្ធិពលអ្វីខ្លះទៅលើអាកាសធាតុ ?

៤.  តើវដ្តទឹកមានឥទ្ធិពលអ្វីខ្លះ ទៅលើវដ្តជីវភូគព្ភគីមី ?

៥. ចូរពន្យល់ពីវដ្តអុកស៊ីសែននៅក្នុងមណ្ឌលជីវៈនៃផែនដី ?

ចម្លើយ

១. ខ្លួនប្រាណភាវរស់ផ្សំឡើងពីទឹកពី ៦៥% ទៅ ៨៥%  ។

២. វដ្តទឹកគឺជា ចលនាឥតឈប់ឈរនៃទឹកលើផ្ទៃដីដែលគ្មានការចាប់ផ្តើម និងគ្មានទីបញ្ចប់ ។

៣. វដ្តទឹកមានឥទ្ធិពលទៅលើអាលកាសធាតុដូចតទៅ ៖ វដ្តទឹកបានពីថាមពលព្រះអាទិត្យ ។ ៨៦% នៃរំហួតបានពីមហាសមុទ្រ ហើយកាត់បន្ថយសីតុណ្ហភាពរបស់វាតាមរយៈរំហួតត្រជាក់ ។ បើគ្មានភាពត្រជាក់ ឥទ្ធិពលនៃរំហួតលើផលផ្ទះកញ្ចក់ អាចធ្វើឲ្យសីតុណ្ហភាពផ្ទៃដីកើនដល់ ៦៧អង្សាសេ ហើយក្លាយជាភពក្តៅមួយ ។

៤. វដ្តទឹកមានឥទ្ធិពលទៅលើវដ្តជិវភូគព្ភគី​មីដូចតទៅ ៖ លំហូរទឹកលើដីនិងក្នុងដី ជាសមាសភាគគន្លឹះមួយនៃវដ្តជីវភូគព្ភគីមីផ្សេងៗទៀត ។ ទឹកហូរបាននាំកម្ទេចកំណ និងផូស្វរភាគច្រើនពីដីទៅក្នុងទឹក ។ ជាតិប្រៃនៃមហាសមុទ្របាន មកពីសំណល់​និងការរលាយនៃអំបិលពីដី ។ លំហូរទឹកលើដីនិង ក្នុងដីមានទួនាទីដឹកនាំអាសូតពីលើទៅក្នុងទឹក ។

៥. ពន្យល់ពីវដ្តអុកស៊ីសែននៅក្នុងមណ្ឌលជីវៈនៃផែនដី ៖​

      រុក្ខជាតិសម្គាល់ការចាប់ផ្តើមនៃវដ្តអុកស៊ីសែន ។ រុក្ខជាតិប្រើប្រាស់ថាមពលព្រះអាទិត្យដើម្បីបំលែងឧស្ម័នកាបូនិច​ និងទឹកឲ្យទៅជាគ្លុយស៊ីតក្នុងរស្មីសំយោគ ។ រស្មីសំយោគបញ្ចេញអុកស៊ីសែនទៅក្នុងបរិយាកាស ។ សត្វប្រើប្រាស់អុកស៊ីសែននៅក្នុងដំណដង្ហើម និងបញ្ចេញឧស្ម័នកាបូនិចដែលសម្រាប់រុក្ខជាតិប្រើប្រាស់វិញ ។ លំនាំនេះកើតឡើងឥតឈប់ឈរបង្កើតបានជាវដ្តអុកស៊ីសែន ។