ក្នុងសម័យវេទនិយមមានទេវៈសំខាន់ៗជាច្រើន តើទេវៈទាំងនោះមានមុខងារ និងតួនាទីអ្វីខ្លះ ?

ក្នុងសម័យវេទនិយមមានទេវៈសំខាន់ៗជាច្រើន ទេវៈទាំងនោះមានមុខងារ និងតួនាទីមានដូចជា៖

• ព្រះឥន្រ្ទជាទេវៈតំណាងផ្គររន្ទៈ
• ព្រះអគ្គីតំណាងភ្លើងជាសាក្សីនៃអំពើល្អនៃមនុស្ស
• ព្រះវរុណតំណាងទីកបង្កើតភ្លៀងជាការឃ្លាំងមើលសេចក្តីល្អអាក្រក់​របស់មនុស្សលោក​ ។ កាលណាគ្មានទឹកធ្វើស្រែចំការ ​អ្នកមានជំនឿ​ទៅលើព្រះវរុណតែងបន់ស្រន់លបួងសួងសុំទឹកភ្លៀងអំពីទេវៈនេះ​ ។
• ព្រះសូរ្យជាទេវៈបង្កើតកំដៅ និងពន្លឺជាចៅក្រមកាត់សេចក្តីឲ្យមនុស្សលោក​ និងរក្សារុក្ខជាតិ ។
• ព្រះចន្ទជាទេវៈតំណាងសោភណ្ឌភាព ព្រោះមានរូបឆោមលោមពណ៌ល្អនិងជាអ្នកថែរក្សារុក្ខជាតិ ។ គេថាព្រះចន្រ្ទកើត ចេញពីទឹកសោម«ស្រាសោមដែលគេថ្វាយព្រះឥន្រ្ទ» ដូចនេះព្រះចន្រ្ទគេហៅម៉្យាងទៀតថាព្រះសោម ។
• ព្រះយមជាទេវៈតំណាងអោយមរណភាពជាអ្នកធ្វើឲ្យមនុស្សស្លាប់និងដាក់ទោស កាលបើនៅរស់អ្នកនោះបានប្រព្រឹត្តអំពើអាក្រក់ ។
• ព្រះវេយុជាទេវៈបង្កើតខ្យល់ជាអ្នកតំណាងកំលាំងនិងល្បឿនុំ ។ ក្រៅពីនេះកមានទេវៈជាច្រើនទៀតពុំមានមុខងារច្បាស់លាស់ ។