នៅក្នុងព្រះពុទ្ធសាសនាពាក្យ«ត្រៃរត្ឋនិងព្រះត្រៃបិដក»សំរាប់សំគាលអ្វី ?

• ត្រៃរត្ឋ ត្រៃរ័ត្ឋ ឬត្រ័យរត្តៈ រត្ឋត្រយ តិរតន ឬរតនត្តយ=រ័ត្ឋ៣ រត្តន៣ ឬប្រជុំនៃរ័ត្ឋ៣ = ការរួបរួមនៃរតនៈ  ៣គឺព្រះពុទ្ធរ័ត្ឋ ព្រះធម្មរ័ត្ឋ ព្រះសង្ឃរ័ត្ឋ ។
• ត្រៃបិដក ឬត្រ័យបិដក ឬតេបិដក «ល្អីបី ប្រជុំនៃល្អីបី » ប្រជុំនៃព្រះធម្មវិន័យពុទ្ធសាសនា៣ចំណែកគឺ៖

+ វិន័យបិដក (ច្បាប់ទូន្មាន ដែលព្រះសព្វញ្ញុពុទ្ធ ទ្រង់ត្រាស់បញ្ញាត និងអនុញ្ញាត) ។

+ សុត្តន្តបិដក ( ពាក្យឱវាទដែលព្រះសម្មាសម្ពុទ្ធទ្រង់សំដែងប្រាប់ពន្យល់ឲ្យដឹងការខុសត្រូវ អាក្រកល្អគ្រប់យ៉ាងតែទ្រង់​មិនបញ្ញត មិនអនុញ្ញតដូចវិន័យបិដកទេ ) ។

+ អភិធម្មបិដក (សេចក្តីប្រាប់ពន្យល់អំពីចិត្ត,ចេកសិក,រូបនិញ្វានដែល​ជាធម៌ល្អិតសុខុមគម្ពីរភាព តែមិនមានបញ្ញតឬអនុញ្ញតទេ ) ប្រជុំនៃព្រះពុទ្ធសាសានាទាំង៣ចំណែកនេះហៅដោយរួមថាព្រះត្រៃបិដក ឬព្រះត្រ័យបិដក ឬក៏ត្រិបិដកព្រោះទុកដូចល្អីឬភាជនៈដែលដាក់វត្ថុ៣មិនឲ្យរាត់រាយខ្ចាត់ខ្ចាយ ។