តើវត្តអារាមមានតួនាទីដូចម្តេចខ្លះ នៅក្នុងសង្គមខ្មែរ ?

វត្តអារាមនៃព្រះពុទ្ធសាសនា មានតួនាទី ​សំខាន់ក្នុងសង្គម​ខ្មែរយើង ​។

• គឺជាកន្លែងអប់រំមនុស្សអោយធ្វើល្អ ក្នុងការពិសោធន៍គ្នាទៅ​វិ​ញទៅមក ក្នុងការងារផលិតកម្ម រឺក្នុងការកសាងជាតិ
• គឺជាកន្លែងផ្ទុកនូវសម្បត្តិវប្បធម៌ និង​បច្ចេកទេសរស់ជាតិ ។ នៅក្នុងសម័យ​អាណានិគមបារាំង ​វប្បធម៌ អក្សរសាស្រ្តជាតិត្រូវ​បានរត់ទៅជ្រកកោណនៅទីវត្ត ។
• ក្នុងសម័យលង្វែក និងឧត្តុង្គ ឧត្តម វត្តអារាម គឺជា​ សាលាពហុបច្ចេកទេសមួយ ដែលបង្រៀនគ្រប់មុខវិជ្ជា សំរាប់បណ្តុះបណ្តាលកូនខ្មែរ ។
• ជាកន្លែងរំងាប់ទុក្ខ ដើម្បីកសាងចចិត្កគំនិតអោយស្អាតផូរផង់ ។
• ​ពេលខ្លះ វត្តអារាមជាមន្ទីរពេទ្យព្យាបាលជំងឺ ដែលមានព្រះ​សង្ឃជាអុកព្យាបាល ​។
• វត្តអារាមជានិមិត្តរូបនៃជនជាតិខ្មែរ ដែលជ​នជាតិខ្មែរនៅទីណាត្រូវតែមានវត្តអារាមនេះផង ។
• ជាគោលជំហរ និងជាគ្រិះទ្រទ្រ​ង់ព្រះពុទ្ធសាសនា​ ប្រពៃណី ទំនៀមទំលាប់ វប្បធម៌ អរិធម៌ ជាតិខ្មែរអោយ
  គង់វង្សចីរកាលជាអមតៈ ។
• ជាថ្ងាលបណ្តុះពូជធារ នៃកុសលផលបុណ្យគ្រ​ប់យ៉ាងតាមរយះការធ្វើបុ​ណ្យ
   រក្សាសី​ល ​និង សេចក្តីភាវនា ។
• ​ជាកន្លែងដែលទទួលកូនខ្មែរ អោយស្នាក់នៅ សិក្សារៀនសូត្រ និងស្វែងយល់ពីប្រពៃណីទំនៀមទំលាប់ជាតិ ពោលគឺ ពេលសាលារៀនពុំ​ទាន់សម្បូរដូចសព្វថ្ងៃ មនុស្សច្រើនបានចូល​បួសរៀននៅ​វត្ត ។