តើក្រុមប្រឹក្សាសម្របសម្រួលអាស៊ាន មានសមាសភាពនរណាខ្លះ ? ត្រូវធ្វើនូវអ្វីខ្លះ ?

ក្រុមប្រឹក្សាសម្របសម្រួលអាស៊ានរួមមានសមាសភាពរដ្ឋមន្ត្រីការបរទេសអាស៊ាន និងត្រូវជួបប្រជុំយ៉ាងតិច២ដងក្នុង១ឆ្នាំ ។ ក្រុមប្រឹក្សាសម្របសម្រួលអាស៊ានត្រូវ ៖

• រៀបចំកិច្ចប្រជុំកំពូលអាស៊ាន
• សម្របសម្រួលការអនុវត្តកិច្ចព្រមព្រៀង និងសេចក្តីសម្រេចរបស់កិច្ចប្រជុំកំពូលអាស៊ាន
• សម្របសម្រួលជាមួយក្រុមប្រឹក្សាសហគមន៍អាស៊ានដើម្បីលើកកម្ពស់ភាពប្រសើរនៃគោលនយោបាយ ប្រសិទ្ធភាព និងសហប្រតិបត្តិការក្នុងចំណោមគ្នានឹងគ្នា
• សម្របសម្រួលរបាយការណ៍ របស់ក្រុមប្រឹក្សាសហគមន៍អាស៊ាន ជូនកិច្ចប្រជុំកំពូកអាស៊ាន
• ពិនិត្យពិចារណាលើរបាយការណ៍ប្រចាំឆ្នាំ របស់អគ្គលេខាធិការ ស្តីពីការងារអាស៊ាន
• ពិនិត្យពិចារណាលើរបាយការណ៍ របស់អគ្គលេខាធិការស្តីពីមុខងារ និងប្រតិបត្តិការនៃអគ្គលេខាធិការដ្ឋានអាស៊ាន និងអង្គភាពពាក់ព័ន្ធផ្សេងៗទៀត
• ឯកភាពចំពោះការតែងតាំង និងបញ្ចប់អាណត្តិអគ្គលេខាធិការរងបន្ទាប់ពីបានទទួលអនុសាសន៍របស់អគ្គលេខាធិការ
• អនុវត្តការងារផ្សេងៗទៀត ដែលកំណត់ឡើងក្នុងធម្មនុញ្ញនេះ ឬមុខនាទីផ្សេងៗទៀត ដែលអាចកំណត់ឡើងដោយកិច្ចប្រជុំកំពូលអាស៊ាន ។