អ្វីទៅជាបណ្តាញចែកចាយ ?

បណ្តាញចែកចាយ គឺជាផ្លូវដែលរបស់របរត្រូវប្រកាន់យក នៅពេលដែលវាធ្វើចលនាពីអ្នកផលិតទៅកាន់អ្នកប្រើប្រាស់ ។ នៅពេលដែលរបស់របរធ្វើដំណើរឆ្ពោះទៅរកផ្សារ វាអាចកាត់តាមបណ្តាញចែកចាយយ៉ាងទូលំទូលាយដែលកើតឡើងដោយឈ្មួញកណ្តាល ។ ឈ្មួញកណ្តាលទាំងនោះអាចជាអ្នកលក់ដុំ ឬអ្នកលក់រាយដែលត្រូវបញ្ជូនទំនិញបន្តពីរោងចក្រទៅកាន់អ្នកប្រើប្រាស់ ។ អ្នកលក់ដុំ និងអ្នកលក់រាយ ពួកគេនឹងជួយបំពេញចន្លោះរវាងរោងចក្រនិងអ្នកប្រើប្រាស់ ដោយទាញយកចំណេញបន្តតាមរយៈបណ្តាញផ្នែកម៉ាឃីធីង ។ និងបន្ថែមតម្លៃឲ្យផលិតផលដោយបង្កើតសារៈប្រយោជន៍នៃពេលវេលា ទីកន្លែង និងកម្មសិទ្ធិ ។ និយាយឲ្យចំ ពួកគេសំដែងនាទីទិញ លក់ ដឹកនាំ ទុកដាក់ ប្រថុយគ្រោះថ្នាក់ កំណត់ថ្លៃ និងព័ត៌មានអំពីទីផ្សារជាដើម ។