វិញ្ញាសាប្រវត្តិវិទ្យា ប្រឡងឆមាសថ្នាក់ទី១២ លើកទី១ ថ្ងៃទី០៣ មីនា ២០០៥

ប្រឡងឆមាសថ្នាក់ទី១២ លើកទី១
សម័យប្រឡងៈ ០៣ មីនា ២០០៥
វិញ្ញាសាៈ ប្រវត្តិវិទ្យា
រយៈពេលៈ ៤៥នាទី
ពិន្ទុៈ ៣៧ពិន្ទុ

I.(៥ពិន្ទុ) ចូរជ្រើសរើសចម្លើយដែលត្រឹមត្រូវ

    ១.បក្សសម្ព័ន្ធសេ អា តូ (SEATO) ជាអង្គការសន្ធិសញ្ញាសម្រាប់ការពារ ..........................................។

    ២.ក្នុងសម័យសង្គ្រាមត្រជាក់ ដើម្បីជួយគ្នាទៅវិញទៅមកក្នុងវិស័យសេដ្ធកិច្ច ប្រទេសអឺរ៉ុបខាងកើតបានបង្កើតអង្គការសេដ្ធកិច្ចមួយឈ្មោះ ..................................។

    ៣.ក្រោយបដិវត្តន៍ខែកុម្ភៈ ១៩១៧ រដ្ធអំណាច២ ត្រូវបានចាត់តាំងឡើងនៅប្រទេសរូស៊ី គឺ៖

    ទី១ ..............................................................................................................។

    ទី២ .............................................................................................................។

II.(៨ពិន្ទុ) តើអង្គការសហប្រជាជាតិដែលគិតគូរដល់ផលប្រយោជន៍របស់កម្មករឈ្មោះអ្វី? តើអង្គការនេះមានទិសដោះយ៉ាងដូចម្តេច?

III.(១១ពិន្ទុ)

    ១.តើកត្តាអ្វីខ្លះដែលនាំឱ្យសេដ្ធកិច្ចជប៉ុនរីចម្រើនយ៉ាងរហ័យក្រោយសង្គ្រាមលោកលើកទី២?

    ២.វិស័យអ្វីខ្លះ ដែលជប៉ុនមានប្រៀបជាងប្រទេសនៅអឺរ៉ុបខាងលិច?

IV.(១០ពិន្ទុ) ហេតុអ្វីបានជាមានចលនារំដោះជាតិពីនឹមអាណានិគម? ចូរនិយាយអំពីចលនានេះឱ្យបានបី?

ចម្លើយ

I.(៥ពិន្ទុ) ចូរជ្រើសរើសចម្លើយដែលត្រឹមត្រូវ

    ១.បក្សសម្ព័ន្ធសេ អា តូ (SEATO) ជាអង្គការសន្ធិសញ្ញាសម្រាប់ការពារ ......អាស៊ីអាគ្នេយ៍.......................។

    ២.ក្នុងសម័យសង្គ្រាមត្រជាក់ ដើម្បីជួយគ្នាទៅវិញទៅមកក្នុងវិស័យសេដ្ធកិច្ច ប្រទេសអឺរ៉ុបខាងកើតបានបង្កើតអង្គការសេដ្ធកិច្ចមួយឈ្មោះ ......កូមេកុង.............។

    ៣.ក្រោយបដិវត្តន៍ខែកុម្ភៈ ១៩១៧ រដ្ធអំណាច២ ត្រូវបានចាត់តាំងឡើងនៅប្រទេសរូស៊ី គឺ៖

    ទី១ ..រដ្ធាភិបាលបណ្តោះអាសន្ន (របស់វណ្ណៈគហិបតី និងម្ចាស់ដី កាន់កាប់អង្គការរដ្ធ...........។

    ទី២ ..សូវៀត (របស់វណ្ណៈអធន ជារដ្ធាភិបាលបង្គ្រប់............។

II.(៨ពិន្ទុ) អង្គការសហប្រជាជាតិដែលគិតគូរដល់ផលប្រយោជន៍របស់កម្មករឈ្មោះ អាយឡូ (ILO) អង្គការនេះមានទិសដៅ៖

• ពេលមានការគាបសង្កត់ពីម្ចាស់រោងចក្រ ដូចជា ផ្តល់ប្រាក់ខែតិច ធ្វើការលើសម៉ោងក្នុង១ថ្ងៃ។
• ធានាជីវិតពេលមានគ្រោះថ្នាក់ស្លាប់ ឬ ពិការពេលបំពេញការងារ

III.(១១ពិន្ទុ)

    ១.កត្តាដែលនាំឱ្យសេដ្ធកិច្ចជប៉ុនរីចម្រើនយ៉ាងរហ័យក្រោយសង្គ្រាមលោកលើកទី២៖

• សកម្មភាពឧស្សាហកម្ម និងសេដ្ធកិច្ច ប្រកបដោយលទ្ធភាពជាក់ស្តែង និងមានប្រសិទ្ធភាព
• សហជីប សៃបាក់ស៊ូ ចាប់ផ្តើមធ្វើសកម្មភាពលើវិស័យឧស្សាហកម្មធុនធ្ងន់
• ប្រើប្រាស់មូលនិធិរបស់សហរដ្ធអាមេរិច កែច្នៃបច្ចេកទេសទំនើបក្នុងវិស័យផលិតផល
• ពង្រីកគ្រឿងឧបភោគបរិភោគ និងផលិតឧបករណ៍ប្រើប្រាស់សម្រាប់តម្រូវការសង្គមទំនើប
• ដណ្តើមទីផ្សារអន្តរជាតិពីពួកអឺរ៉ុបខាងលិច
• សេដ្ធកិច្ចជាប់ចំណាត់ថ្នាក់លេខ២ បន្ទាប់ពីសហរដ្ធអាមេរិច

    ២.វិស័យដែលជប៉ុនមានប្រៀបជាងប្រទេសនៅអឺរ៉ុបខាងលិចគឺ៖

• សំណង់នាវា អេឡិចត្រូនិច កំណាត់សំយោគ រថយន្ត គ្រឿងម៉ាស៊ីនធុនស្រាល។

IV.(១០ពិន្ទុ) បានជាមានចលនារំដោះជាតិពីនឹមអាណានិគមព្រោះ

• មានការគាបសង្កត់ជិះជាន់លើនយោបាយ សេដ្ធកិច្ច និងសង្គម
• នៅតាមប្រទេសនីមួយៗមានមគ្គុទេសដឹកនាំឆ្លាតវៃ មានមាគ៌ាត្រឹមត្រូវ
• ប្រជាជនការពារប្រពៃណី ទំនៀមទម្លាប់ ភាសា សាសនា វប្បធម៌ របស់ខ្លួន
• មានការគាំទ្រពីសហរដ្ធអាមេរិច សហភាពសូវៀត និងអង្គការសហប្រជាជាតិ
• ពួកអាណានិគមនឿយហត់ ព្រោះត្រូវស្តារហេដ្ធារចនាសម្ព័ន្ធសេដ្ធកិច្ច ពិសេសត្រូវទប់ទល់នឹងចលនាកុំមុយនីសដែលកំពុងរីចម្រើន។
• មានសាមគ្គីភាពរវាងប្រជាជននៅទ្វីបអាស៊ី និងអាព្រិច។

ចលនានៅប្រទេសឥណ្ឌា

• ឆ្នាំ ១៨៥៨ ធ្លាក់ក្រោមអាណានិគមអង់គ្លេស
• ក្រោមការជិះជាន់យ៉ាងឃោរឃៅ នាំឱ្យមានចលនាជាតិនិយមដឹកនាំដោយបក្សសមាជ ដែលមានសហា ត្មះ គន្ធី តស៊ូទាមទារបានឯករាជ្យពេញលេញនៅឆ្នាំ ១៩៤៧។

ចលនានៅប្រទេសកម្ពុជា

• ថ្ងៃទី ១១ សីហា ១៨៦៣ ធ្លាក់ក្រោមអាណានិគមបារាំង
• ក្រោមព្រះរាជបូជនីយកិច្ចរបស់ព្រះបាទសម្តេច នរោត្តម សីហនុ ទាមទារឯករាជ្យពេញបរិបូរនៅថ្ងៃទី​៩ សីហា ១៩៥៣។

ចលនានៅប្រទេសមីយ៉ាន់ម៉ា

• ឆ្នាំ​ ១៨៨០ ធ្លាក់ក្រោមអាណានិគមអង់គ្លេស
• ក្រោយសង្រាមលោកលើកទី២ អង់គ្លេសវិលត្រលប់មកវិញ ប៉ុន្តែមិនអាចទប់ទល់និងចលនាតស៊ូបាន បង្ខំចិត្តប្រគល់ឯករាជ្យឱ្យប្រទេសនេះនៅឆ្នាំ ១៩៤៨។