វិញ្ញាសាប្រវត្តិវិទ្យា ប្រឡងឆមាសថ្នាក់ទី១២ លើកទី១ ថ្ងៃទី២៧ កុម្ភៈ ២០០៦

ប្រឡងឆមាសថ្នាក់ទី១២ លើកទី១
សម័យប្រឡងៈ ២៧ កុម្ភៈ ២០០៦
វិញ្ញាសាៈ ប្រវត្តិវិទ្យា
រយៈពេលៈ ៤៥នាទី
ពិន្ទុៈ ៣៧ពិន្ទុ

I.(៣ពិន្ទុ) ចូរជ្រើសរើសចម្លើយដែលត្រឹមត្រូវ

    ១.អង្គការសហប្រជាជាតិ បានបង្កើតឡើងនៅឆ្នាំ ១៩៤៥ ដើម្បីជំនួសអង្គការ ....................... ដែលពុំមានប្រសិទ្ធិភាពក្នុងការថែរក្សាសន្តិភាពពិភពលោក។

    ២.ចលនារំដោះជាតិរបស់ប្រជាជនឥណ្ឌូចិនប្រឆាំងនឹងពួកអាណានិគមនិយម ....................... បានទទួលជោគជ័យយ៉ាងធំធេងនៅឆ្នាំ ១៩៥៣ និងឆ្នាំ ១៩៥៤។

    ៣.ប្រទេសជប៉ុនបានទទួលឯករាជ្យពេញលេញពីសហរដ្ធអាមេរិចក្រោយសន្ធិសញ្ញា ...........................។

II.(៨ពិន្ទុ) តើកំណែទម្រង់ប៉េរេស្ត្រយកាជះឥទ្ធិពលយ៉ាងដូចម្តេចដល់សហសូវៀត និងបណ្តាប្រទេសនៅអឺរ៉ុបខាងកើត?

III.(៨ពិន្ទុ) តើអង្គការសហប្រជាជាតិមានវិធានការយ៉ាងដូចម្តេច ចំពោះសមាជិកដែលមិនព្រមអនុវត្តតាមសេចក្តីសម្រេចរបស់ក្រុមប្រឹក្សាសន្តិសុខ?

IV.(៩ពិន្ទុ) ប្រទេសទ្វីអាស៊ី និងទ្វីបអាព្រិចជាច្រើនបានធ្លាក់ក្នុងនឹមត្រួតត្រារបស់ពួកអាណានិគមអឺរ៉ុបតាំងពីសតវត្សទី​១៩។ តើហេតុអ្វីបានជាប្រជាជនក្នុងប្រទេសក្រោមអាណានិគមនាំគ្នាបង្កើតចលនាតស៊ូទាមទារឯករាជ្យ? តើចលនាតស៊ូទាមទារឯករាជ្យនៃប្រទេសទាំងនោះបានទទួលជ័យជំនះនៅពេលណា?

V.(៩ពិន្ទុ) ក្នុងតួនាទីជាមហាអំណាចផុតលេខលើពិភពលោក តើសហរដ្ធអាមេរិចត្រូវប្រឈមមុខនឹងបញ្ហាអន្តរជាតិសំខាន់ៗអ្វីខ្លះ ចាប់តាំងពីឆ្នាំ ១៩៧៥ ដល់ ១៩៨៥?

ចម្លើយ

I.(៣ពិន្ទុ) ចូរជ្រើសរើសចម្លើយដែលត្រឹមត្រូវ

    ១.អង្គការសហប្រជាជាតិ បានបង្កើតឡើងនៅឆ្នាំ ១៩៤៥ ដើម្បីជំនួសអង្គការ ......សង្គមប្រជាជាតិ........ ដែលពុំមានប្រសិទ្ធិភាពក្នុងការថែរក្សាសន្តិភាពពិភពលោក។

    ២.ចលនារំដោះជាតិរបស់ប្រជាជនឥណ្ឌូចិនប្រឆាំងនឹងពួកអាណានិគមនិយម ....បារាំង....... បានទទួលជោគជ័យយ៉ាងធំធេងនៅឆ្នាំ ១៩៥៣ និងឆ្នាំ ១៩៥៤។

    ៣.ប្រទេសជប៉ុនបានទទួលឯករាជ្យពេញលេញពីសហរដ្ធអាមេរិចក្រោយសន្ធិសញ្ញា ...សាន់ប្រាន់ស៊ីស្កូ.......។

II.(៨ពិន្ទុ) កំណែទម្រង់ប៉េរេស្ត្រយកាជះឥទ្ធិពលយ៉ាងដូចម្តេចដល់សហសូវៀត និងបណ្តាប្រទេសនៅអឺរ៉ុបខាងកើតដូចជា៖

• ២៨ មិថុនា ១៩៩១ អង្គការកូមេកុងត្រូវបានបញ្ជប់
• ០១​ កក្កដា ១៩៩១ កតិកាសញ្ញាវ៉ាសូវី ត្រូវបានរំលាយ
• អតិតសហភាពសូវៀតបានបាត់ឈ្មោះពីឆាកអន្តរជាតិ
• លទ្ធិផ្តាច់ការកំមុយនីស និងសេដ្ធកិច្ចសហភាពសូវៀតត្រូវជំនួសដោយរបបដឹកនាំតាមបែបទីផ្សារសេរី ប៉ុន្តែដើម្បីកែទម្រង់សេដ្ធកិច្ច​ គេត្រូវខ្ចីទុនវិនិយោគយ៉ាងច្រើនពីប្រទេសលោកខាងលិច។
• ប្រទេសបីនៅមាត់សមុទ្របាល់ទិច ប្រកាសឯករាជ្យ
• នៅឧបទ្វីបបាល់កង់ភាពតានតឹងរវាងជនជាតិស៊ែប និងក្រូអាត ដែលតស៊ូដណ្តើមឯករាជ្យ នាំឱ្យសហព័ន្ធយូហ្គោស្លាវីរលំរលាយនៅឆ្នាំ ១៩៩២។

III.(៨ពិន្ទុ) ចំពោះសមាជិកដែលមិនព្រមអនុវត្តតាមសេចក្តីសម្រេចរបស់ក្រុមប្រឹក្សាសន្តិសុខ សហរដ្ធអាមេរិចមានវិធានការដូចតទៅ៖

• ដាក់ទណ្ឌកម្មមិនប្រើកម្លាំង
• ធ្វើការពិភាក្សាតាមផ្លូវទូត
• ដាក់ទណ្ឌកម្មសេដ្ធកិច្ច (កាត់ផ្តាច់ទំនាក់ទំនងអន្តរជាតិ បិទផ្លូវគោក ឬផ្លូវអាកាស នាំឱ្យប្រទេសនោះមានវិបត្តិសេដ្ធកិច្ច និងសង្គម)
• ដាក់ទណ្ឌកម្មដោយប្រើកម្លាំង
• បញ្ជូនទ័ពមួកខៀវទៅហ៊ុមព័ទ្ធ ដើម្បីគាបសង្កត់ោ្យប្រទេសនោះទទួលយកលក្ខខ័ណ្ឌដែលក្រុមប្រឹក្សាបានដាក់ឱ្យអនុវត្តតាម។

IV.(៩ពិន្ទុ) បានជាប្រជាជនក្នុងប្រទេសក្នុងប្រទេសក្រោមអាណានិគមនាំគ្នាបង្កើតចលនាតស៊ូទាមទារឯករាជ្យព្រោះ

• មានការគាបសង្កត់ជិះជាន់លើនយោបាយ សេដ្ធកិច្ច និងសង្គម
• នៅតាមប្រទេសនីមួយៗមានមគ្គុទេសដឹកនាំឆ្លាតវៃ​ មានមាគ៌ាត្រឹមត្រូវ
• ប្រជាជនការពារប្រពៃណី ទំនៀមទម្លាប់ ភាសា សាសនា វប្បធម៌ របស់ខ្លួន
• មានការគាំទ្រពីសហរដ្ធអាមេរិច សហភាពសូវៀត និងអង្គការសហប្រជាជាតិ
• ពួកអាណានិគមនឿយហត់ ព្រោះត្រូវស្តារហេដ្ធារចនាសម្ព័ន្ធសេដ្ធកិច្ច ពិសេសត្រូវទប់ទល់នឹងចលនាកុំមុយនីសដែលកំពុងរីកចម្រើន។
• មានសាមគ្គីភាពរវាងប្រជាជននៅទ្វីបអាស៊ី និងអាព្រិច
• ចលនាតស៊ូទាមទារឯករាជ្យនៃប្រទេសទាំងនោះបានទទួលជ័យជំនះ នៅក្រោយសង្គ្រាមលោកលើកទី២។

V.(៩ពិន្ទុ) ក្នុងតួនាទីជាមហាអំណាចផុតលេខលើពិភពលោក សហរដ្ធអាមេរិចត្រូវប្រឈមមុខនឹងបញ្ហាអន្តរជាតិសំខាន់ៗ ចាប់តាំងពីឆ្នាំ ១៩៧៥ ដល់ ១៩៨៥មាន៖

• បញ្ហារីកសាយភាយនៃចលនាកំមុយនីសនៅអាស៊ី អាព្រិច និងអាមេរិចឡាទីន
• បញ្ហាការបរាជ័យនៃកងទ័ពសហរដ្ធអាមេរិច នៅក្នុងសង្គ្រាមវៀតណាមឆ្នាំ ១៩៧៥
• បញ្ហាការលុកលុយនៃកងទ័ពសហភាពសូវៀតនៅក្នុងប្រទេសអាហ្គានីស្ថានឆ្នាំ ១៩៧៩
• បដិវត្តន៍នៅប្រទេសអ៊ឺរ៉ង់ឆ្នាំ ១៩៧៩
• បញ្ហាជម្លោះរវាងប្រទេសអេស៊ីប និងប្រទេសអ៊ីស្រាអែល
• បញ្ហាសង្គ្រាមផ្តាយរណប
• បញ្ហាវិបត្តិប្រេងកាត។