វិញ្ញាសាផែនដី ប្រឡងសញ្ញាបត្រមធ្យមសិក្សាទុតិយភូមិ ចំណេះទូទៅ និងបំពេញវិជ្ជា ( វិញ្ញាសាទី៦១ )

សំនួរ

១. ចូរនិយាយពីវដ្តផូស្វរ  ។

២. តើវដ្តផូស្វរខុសពីវដ្តផ្សេងទៀតដូចម្តេច ?

៣. ចូរនិយាយពីគុណសម្បត្តិ និងគុណវិបត្តិនៃផូស្វរ ។

៤. តើធ្យូងថ្មប្រភេទមួយណាសម្បូរជាងគេក្នុងចំណោមប្រភេទធ្យូងថ្ម ?

៥. តើធ្យូងថ្មប្រភេទមួយណាដែលសម្បូរកាបូនជាងគេ ?

ចម្លើយ

១. និយាយពីរវដ្តផូស្វរ ៖ រុក្ខជាតិស្រូបយកផូស្វរដោយផ្ទាល់ពីដី ជាទូទៅក្នុងទម្រង់ជាអំបិលផូស្វាត ។ នៅពេលរុក្ខជាតិនិង សត្វងាប់ សាកសពរបស់វាត្រូវបានបំបែកធាតុដោយអ្នកបំបែក ហើយផូស្វរក៏ត្រឡប់ចូលទៅក្នុងដីវិញ ។

២. វដ្តផូស្វរខុសពីវដ្តផ្សេងទៀតដោយសារវដ្តផូស្វរមិនអាចកើតមាននៅក្នុងខ្យល់ដូចជាឧស្ម័នទេ វដ្តនេះតែងកើតឡើងនៅក្នុងទឹក ដី និងកម្ទេចកំណ ។

៣. និយាយពីគុណសម្បត្តិ និងគុណវិបត្តិនៃផូស្វរ ៖

• គុណសម្បត្តិផូស្វរ ៖  ផូស្វរជាសារធាតុចិញ្ចឹមចាំបាច់ សម្រាប់រុក្ខជាតិ និងសត្វនៅក្នុងទម្រង់ជាដែក ។ ផូស្វរ ៨០% ប្រើប្រាស់ក្នុងការផលិតជីគីមី អាស៊ីតផូស្វរិចដែលប្រើនៅក្នុងភេសជ្ជៈ ឈើគូស និងថ្នាំបំពុលកណ្តុរ .... ។ ផូស្វរជាធាតុគីមីយ៉ាងសំខាន់សម្រាប់ការលូតលាស់នៃសត្វ និងរុក្ខជាតិ និងជាធាតុបង្កនៃប្រូតេអ៊ីន ជាលិកាប្រសាទ ឆ្អឹងនិងធ្មេញ ។
• គុណវិបត្តិផូស្វរ ៖ ផូស្វរដែលកើតក្នុងធម្មជាតិជាផ្នែកមួយនៃផូស្វាតដែលផ្សំពីអាតូមផូស្វរ និងអាតូមអុកស៊ីសែនមួយចំនួន ។ ផូស្វរអាចមានប្រសិទ្ធិភាពក្នុងមធ្យោបាកយច្រើន ប៉ុន្តែក៏មានការបំពុលនៅក្នុងបឹង នឹងជ្រោះផងដែរ ។ ការប្រើប្រាស់ជីផូស្វាតពុំត្រឹមត្រូវនៅក្នុងកសិកម្ម និងការបង្ហូរទឹកលូសំអុយចូលក្នុងមជ្ឈដ្ឋានទឹកនានា ជាមូលហេតុនៃការបំពុលដោយផូស្វាតដែលបណ្តាលឲ្យកើតមានសារាយកម្មប្រភពទឹក និងការបំពុលទឹកក្នុងដី ។

៤. ធ្យូងថ្មដែលសម្បូរជាងគេក្នុងចំណោមប្រភេទធ្យូងថ្មគឺ ធ្យូងប៊ីទូម ។

៥. ធ្យូងថ្មដែលសម្បូរកាបូនជាងគេគឺ ធ្យូងអង់ត្រាស៊ីត ។