វិញ្ញាសាជីវៈវិទ្យា សម្រាប់ត្រៀមប្រឡងសញ្ញាបត្រមធ្យមសិក្សាទុតិយភូមិ (វិញ្ញាសាទី៣១)

សំណួរ

១.​ តើកោនជាអ្វី ? ក្នុងការបន្ដពូជរបស់ស៊ីមណូស្ដែមតើកោនមាននាទីជាអ្វី ?

២. តើកត្តាអ្វីខ្លះ ដែលអាចធ្វើឪ្យប្រូតេអ៉ីន បាត់បង់គុណភាពបាន ?

៣. ចូរពីពណ៌នាអំពីអត្ថប្រយោជន៍របស់ពពួកស្រល់ ។

៤. ដូចម្ដេចដែលដែលហៅថាពន្លកជីវ្ហាវិញ្ញាណ ? រៀបរាប់ទីតាំងនៃរស់ជាតិរបស់វា ។

៥. ចូរពណ៌នា នាទី AND, ARNm, ARNt, ARNr ក្នុងចលនាសំយោគប្រូតេអ៉ីន ។

ចម្លើយ

១. កោនគឺជា សរីរាង្គបន្ដពូជរបស់រុក្ខជាតិស៊ីមណូស្ដែម កោនមាននាទីជាអ្នកផ្ទុកកោសិកា បន្ដពូជ (ស្តែម៉ាតូសូអ៉ីតចំពោះកោនឈ្មោល ឯអូអូស្វ៊ែចំពោះកោនញី ) ។

២. កត្តាដែលធ្វើឪ្យប្រូតេអ៉ីនខូចគុណភាពមានដូចជា កត្តាអាស៊ីតខ្លាំង បាសខ្លាំង សាប៊ូ អំបិល លោហៈធាតុធ្ងន់ ប​ម្រែបម្រួក សីតុណ្ហភាព និងចលនាមេកានិចនិង កត្តាផ្សេងៗទៀត ។

៣. សារៈប្រយោជន៍ពពួកស្រល់មានដូចជា ៖

• ជាជម្រកពពួកសត្វ
• ដើមត្រុវបានគេយកទៅធ្វើជាគ្រឿងសង្ហារឹម និងផលិតជាក្រដាស
• ជាអុសសម្រាប់ដុត
• ជាឳសថសម្រាប់ព្យាបាលជម្ងឺ និងគ្រឿងក្រអូប ។

៤. ពន្លកជីវ្ហាវិញ្ញាណគឺជាធ្មួលវិញ្ញាណគីមីដែលរសនឹងរសជាតិ ។ ទីតាំងរសជាតិ ៖

• រសជាតិផ្អែមស្ថិតនៅផ្នែកចុងអណ្ដាត
• រសជាតិប្រៃស្ថិតនៅចំហៀងអណ្ដាត
• រសជាតិជូរស្ថិតនៅចំហៀងសងខាង
• រសជាតិល្វីងស្ថិតនៅគល់អណ្ដាត ។

៥. ពណ៌នានាទីរបស់ AND, ARNm, ARNt, ARNr ក្នុងចលនាសំយោគប្រូតេអ៉ីន ៖

• AND មាននាទីស្តុតព័ត៌មានមានចាំបាច់សម្រាប់សំយោគប្រូតេអ៉ីនច្រើនយ៉ាង ។
• ARNm មាននាទីចម្លងក្រមពីច្រវ៉ាក់ម្ខាងរបស់ AND ហើយដឹកនាំដឹកច្រវ៉ាក់នុយក្លេអូទីតទោលនេះទៅកាន់ស៊ីតូប្លាស ។
• ARNt មាននាទីដឹកនាំកូដុងរបស់ ARNm ពីស៊ីតូប្លាសដោយអង់ទីកូដុងរបស់វាទៅកាន់រីបូសូម ដើម្បីសំយោគប្រូតេអ៉ីន ។
• ARNr មាននាទីចូលរួមដើម្បីបង្កើតរីបូសូមក្នុងការរំយោគប្រូតេអ៉ីន ។

វិញ្ញាសាទី៣២