វិញ្ញាសាមុខវិជ្ជាជីវៈវិទ្យា ( វិញ្ញាសាទី២៣ )

សំនួរ

១. ហេតុអ្វីបានជាត្រចៀកមានជំងឺឆ្លងមានបញ្ហាទាក់ទងនឹងតុល្យភាពថេរលំនឹង ?

២. តើស្លឹករាងម្ជុលរបស់កូនីភែមានសារៈសំខាន់អ្វីខ្លះចំពោះរុក្ខជាតិ ?

៣. ដោយផ្អែកតាមនាទីរបស់វា ណឺរ៉ូនមានប៉ុន្មានប្រភេទ ? អ្វីខ្លះ ? មាននាទីដូចម្តេចខ្លះ ?

៤. ចំពោះរុក្ខជាតិអង់ស្យូស្ពែម តើអូវុលជាកាម៉ែតឬទេ ? ចូរបញ្ជាក់ពីអំណះអំណាង ។

៥. ដំណើរលំអងមានប៉ុន្មាន ? អ្វីខ្លះ ? ចូររៀបរាប់ ។

ចម្លើយ

១. បានជាត្រចៀកមានជំងឺឆ្លងមានបញ្ជាទាក់ទងនិងតុល្យភាពថេរលំនឹងព្រោះមេរោគបង្កជំងឺឆ្លងបណ្តាលឲ្យត្រចៀកឡើងហើយដេលធ្វើឲ្យធាតុរាវនៅក្នុងត្រចៀកពាក់សម្ពាធទៅលើបំពងពាក់កណ្តាលរង្វង់និងបណ្តាលឲ្យរោមល្អិតៗនៅលើកោសិកាធ្មួលនៅក្នុងបំពង់នេះឲ្យសញ្ញានៃវិញ្ញាណតុល្យភាពនៅក្នុងខួរក្បាលមិនត្រឹមត្រូវ ។

២. ចំពោះរុក្ខជាតិស្លឹករាងម្ជុលរបស់កូនីភែមានសារៈសំខាន់ដូចជា អាចជួយបង្ការការបាត់បង់ទឹក និងជួយឲ្យរុក្ខជាតិបន្សុំាជីវីតទៅនឹងអាកាសធាតុស្ងួត ។

៣. ដោយផ្អែកតាមនាទីរបស់វា ណឺរ៉ូនមាន៣ប្រភេទ គឺណឺរ៉ូនវិញ្ញាណនាំ,ណឺរ៉ូនចលករ ​និងណឺរ៉ូនភ្ជាប់ ។

• ណឺរ៉ូនវិញ្ញាណនាំៈ មាននាទីដឹកនាំព័ត៌មានចេញពីធ្មួលវិញ្ញាណទៅកាន់មជ្ឈមណ្ឌលប្រសាទ ។
• ណឺរ៉ូនចលករៈ មាននាទីដឹកនាំព័ត៌មានចេញពីមជ្ឈមណ្ឌលប្រសាទទៅកាន់សរីរាង្គប្រតិកម្មដូចជាសាច់ដុំឬក្រពេញ ។
• ណឺរ៉ូនភ្ជាប់ៈ ស្ថិតនៅចន្លោះណឺរ៉ូនវិញ្ញាណនាំនិងណឺរ៉ូនចលករ វាមាននាទីបញ្ជូលព័ត៌មានរវាងណឺរ៉ូនវិញ្ញាណនាំនិងណឺរ៉ូនចលករ ។

៤. ចំពោះរុក្ខជាតិអង់ស្យូស្ពែម អូវុលមិនមែនជាកាម៉ែតឈ្មោលទេ ។ ពីព្រោះតែអូវុលជាទម្រង់ពហុកោសិកា ដែលផ្ទុកកោសិកាមួយហើយកោសិកាមេនេះ ធ្វើមេយ៉ូស និងបន្តពូជដើម្បីបង្កើតបានជាថង់កំណដែលមានកោសិកា ៧ហើយក្នុងនោះមានអូវុលស៊្វែមួយដែលជាកោសិកាបន្តពូជញី ។ ដូចនេះអូវុលជាទម្រង់មួយដែលនឹងក្លាយជាគ្រាប់រុក្ខជាតិក្រោយការបង្កកំណើត ។

៥. ដំណើរលំអងមាន២បែបគឺដំណើរលំអងកាត់និងស្វ័យដំណើរលំអង ។ ដំណើរលំអងកាតគឺជាការផ្ទេរគ្រាប់លំអងនៃផ្ការុក្ខជាតិទៅកាន់ស្ទិចម៉ាកនៃរុក្ខជាតិមួយទៀត  ។ វាប្រព្រឹត្តិទៅបានដោយសារ ទឹក ខ្យល់ និងសត្វ ។​​ស្វ័យដំណើរលំអងៈ គឺជាការបន្ទេរគ្រាប់លំអងគឺប្លោកលំអងទៅកាន់ស្ទិចម៉ាកនៃផ្ការុក្ខជាតិតែមួយ ។