ប្រសិនបើនាយករដ្ឋមន្ត្រីធ្វើសំណើទៅព្រះមហាក្សត្រ តើព្រះមហាក្សត្រមានសិទ្ធិបដិសេធទេ ? បើបដិសេធ មានន័យថា ព្រះមហាក្សត្រមានសិទ្ធិធំជាងនាយករដ្ឋមន្ត្រីត្រូវទេ ?

ពុំមានមាត្រាណាមួយនៃរដ្ឋធម្មនុញ្ញ បញ្ញត្តិពីបញ្ហានេះទេ ប៉ុន្តែខ្ញុំអាចលើកជាឧទាហរណ៍មួយ ចំពោះករណីដែលធ្លាប់កើតមាននៅប្រទេសប៊ែលហ្សុិក ។ ក្នុងករណីនេះ ព្រះមហាក្សត្រប៊ែលហ្សុិកបានបដិសេធមិនព្រមឡាយព្រះហស្ថលេខាលើអត្ថបទច្បាប់ស្តីពីការរំលូតកូន ដោយសារតែព្រះអង្គជាអ្នកប្រកាន់ខ្ជាប់សាសនាគ្រិស្ត កាតូលិកយ៉ាងហ្មត់ចត់ ។ ដូច្នេះហើយ គេបានបង្កើតនីតិវិធីមួយ តាមរយៈនេះគេតម្រូវឱ្យព្រះមហាក្សត្រនេះលាលែង ហើយឱ្យព្រះមហាក្សត្រថ្មីដែលត្រូវមកជំនួសឡាយព្រះហស្ថលេខាវិញ ។ ជាសរុបមក នៅប្រទេសកម្ពុជាយើងពុំដែលធ្លាប់ជួបករណីនេះនៅឡើយទេ ។