វិញ្ញាសាផែនដី ប្រឡងសញ្ញាបត្រមធ្យមសិក្សាទុតិយភូមិ ចំណេះទូទៅ និងបំពេញវិជ្ជា ( វិញ្ញាសាទី៦៤ )

សំនួរ

១. ដូចម្តេចដែលហៅថា ថាមពលនុយក្លេអ៊ែ ?

២. ដូចម្តេចដែលហៅថា ការបំបែកនុយក្លេអ៊ែ និងការរលាយនុយក្លេអ៊ែ ?

៣. តើព្រះអាទិត្យនិងតារាដទៃទៀតផលិតថាមពលយ៉ាងដូចម្តេច ?

៤. ចូរនិយាយពីអត្ថប្រយោជន៍ថាមពលព្រះអាទិត្យ ។

៥.​ តើគេប្រើមធ្យោបាយអ្វីខ្លះ ដើម្បីទាញយកថាមពលព្រះអាទិត្យមកប្រើ ?

ចម្លើយ

១. ថាមពលនុយក្លេអ៊ែគឺជា ថាមពលស្ថិតនៅក្នុងស្នូលអាតូម ។

២. ការបំបែកនុយក្លេអ៊ែគឺជា លំនាំមួយដែលភាគល្អិតតូចៗនៃស្នូលអាតូមបំបែកជាផ្នែកៗដោយមានភាយចេញនូវបរិមាណថាមពលដ៏ខ្លាំងក្លា ។

ការរលាយនុយក្លេអ៊ែ  គឺជាស្នូលអាតូមស្រាលរួមផ្សំគ្នាបង្កើតបានស្នូលអាតូមធ្ងន់មួយដោយមានភាយកចេញបរិមាណថាមពលយ៉ាងខ្លាំងក្លា ។

៣. ព្រះអាទិត្យ និងតារាដទៃទៀតផលិតថាមពលតាមរយៈការរលាយនុយក្លេអ៊ែដែលផលិតថាមពលតាមរយៈការរលាយអ៊ីដ្រូសែននៅក្នុងអេល្យូម ។

៤. និយាយពីអត្ថប្រយោជន៍ថាមពលព្រះអាទិត្យ ៖ ជីវីតនៅលើផែនដីទាំងអស់គឺអាស្រ័យលើព្រះអាទិត្យដើម្បិផលិតថាមពល ។ ព្រះអាទិត្យជាប្រភពថាមពលចម្បងសម្រាប់យើងទាំងអស់គ្នាព្រោះវាផ្តល់នូវពន្លឺ និងកម្តៅ ។ ថាមពលព្រះអាទិត្យជាធនធានកើតឡើងវិញដែលអាចប្រើប្រាស់មិនចេះរីងស្ងួត ។ វាជាថាមពលស្អាតព្រោះមិននាំឲ្យមានការបំពុលបរិស្ថាន ។

៥. ដើម្បីទាញយកថាមពលព្រះអាទិត្យមកប្រើ គេប្រើមធ្យោបាយដូចជា ៖

• បែបអសកម្មគឺការទាញថាមពលព្រះអាទិត្យមកប្រើប្រាស់ដោយមិនចាំបាច់ប្រ់ឧបករណ៍ទាញយកឡើងដូច ជាការហាលសម្លៀកបំពាក់ ការបើកបង្អួចឲ្យពន្លឺចូលជាដើម ។
• បែបសកម្មគឺការទាញថាមពលព្រះអាទិត្យមកប្រើដោយ ប្រើឧបករណ៍ដើម្បីចាប់យកដោយបំលែងទៅជាថាមពលកម្តៅដែលគេឲ្យឈ្មោះថា កូឡិចទ័រព្រះអាទិត្យ ។
• ថ្មពិលព្រះអាទិត្យគឺ ឧបករណ៍ចាប់យកពន្លឺព្រះអាទិត្យរួចបំលែងទៅជាអគ្គិសនី​ ។