សំណួរ
១. កីឡាដែលមានលក្ខណៈជាទោសហៅថាអ្វី ?កីឡាដែលមានលក្ខណៈជាក្រុមហៅថាអ្វី ?
២. តើកីឡាផ្តល់នូវសារៈសំខាន់អ្វីខ្លះ ដល់មនុស្ស ?
៣. តើគេចែកសិល្បៈជាប៉ុន្មានទំរង់ ? មានអ្វីខ្លះ ?
៤. ចូររៀបរាប់អំពីសីលប្រាំរបស់ព្រះពុទ្ធសាសនារួចធ្វើការប្រៀបធៀបសីលនីមួយៗ នៅនឹងសិទ្ធិមនុស្សក្នុងរដ្ឋធម្មនុញ្ញនៃព្រះរាជាណាចក្រកម្ពុជា ។
៥. តើសីល ៥ ក្នុងព្រះពុទ្ធសាសនា បានឆ្លុះបញ្ចាំងឱ្យឃើញនូវការគោរពសិទ្ធិមនុស្សដូចម្តេចខ្លះ ?
ចម្លើយ
១. កីឡាដែលមានលក្ខណៈជាទោសហៅថាកីឡាអត្តពលកម្ម ។ កីឡា មានលក្ខណៈជាក្រុម ហៅថា កីឡាសមូហភាព ។
២. កីឡាបានផ្តល់នូវសារៈសំខាន់ជាច្រើនដូចជា ៖
- ធ្វើឱ្យសរីរាង្គកាយលូតលាស់ល្អ រាងកាយមាំមួន
- មានសុខភាពល្អ បញ្ចេញជាតិពុលពីក្នុងខ្លួនញុំាងបាយបានគេងលក់ស្រួល
- ធ្វើឱ្យមានភាពរហ័សរហួន
- មានបញ្ញាវាងវៃ
- មានសមត្ថភាពការពារខ្លួន
- មានស្មារតីសាមគ្គីភាព មានវិន័យ គ្មានគំនុំសងសឹក
- មានចិត្តតស៊ូ អំណត់ព្យាយាម
- ផ្តល់នូវបរិយាកាសរីករាយ ។
៣. សិល្បៈចែកចេញជា ៧ ទម្រង់ គឺ ៖
- សិល្បៈ ស្ថាបត្យកម្ម (សំណង់)
- សិល្បៈ ចំលាក់ (សូនរូប)
- សិល្បៈ គំនូរ (វិចិត្រកម្ម)
- សិល្បៈ តន្ត្រីចម្រៀង (សូរសំលេង)
- សិល្បៈ របាំ (កាយវិការ)
- សិល្បៈ អក្សរសិល្ប៍ កំណាព្យ (ពាក្យសំដី)
- សិល្បៈ ខ្សែភាពយន្ត វីដេអូ (រូបភាព) ។
៤. ការប្រៀបធៀបសីលនីមួយៗ នៅនឹងសិទ្ធិមនុស្សក្នុងរដ្ឋធម្មនុញ្ញនៃព្រះរាជាណាចក្រកម្ពុជា
បញ្ចសីល ឬសីល៥
- បាណា : វៀរចាកការសម្លាប់ជីវិត
- អទិន្ទា : វៀរចាកការលួចទ្រព្យអ្នកដទៃ
- កាមេ : វៀរចាកការប្រព្រឹត្តខុស
- មុសា : វៀរចាកការពោលពាក្យកុហក់ ញុះញង់ បង្កាច់ បង្ខូច
- សុរា : វៀរចាកការសេពគ្រឿងស្រវឹង ។
សិទ្ធិមនុស្សក្នុងរដ្ឋធម្មនុញ្ញ
- មាត្រា ៣២ ជនគ្រប់រូបមានសិទ្ធិរស់រានមានជីវិត មានសេរីភាពនិងមានសន្តិសុខផ្ទាល់ខ្លួន
- មាត្រា ៤៤ ជនណាក៏ដោយមានសិទ្ធិជាម្ចាស់កម្មសិទ្ធិទោះជាសមូហភាពក្តី
- មាត្រា ៤៦ អំពើលក់ដូរមនុស្ស អំពើធ្វើអាជីវកម្មផ្នែកពេស្យាកម្មនិងអំពើអាសអាភាសដែលប៉ះពាល់ដល់សេចក្តីថ្លៃថ្នូររបស់នារីត្រូវហាមឃាត់
- មាត្រា ៤១ ប្រជាពលរដ្ឋមានសេរីភាពខាងការបញ្ចេញមតិរបស់ខ្លួនសេរីភាពខាងសារព័ត៌មាន សេរីភាពខាងការបោះពុម្ពផ្សាយសេរីភាពខាងការប្រជុំ
- មាត្រា ៣៨ ច្បាប់រ៉ាប់រងមិនឱ្យមានការរំលោភបំពានលើរូបរាងបុគ្គលណាមួយ
- មាត្រា ៤៨ សិទ្ធិបានត្រូវទទួលការគាំពារក្នុងស្ថានការណ៍មានសង្គ្រាម និងការពារប្រឆាំងនឹងអាជីវកម្មសេដ្ឋកិច្ច រីកាមគុណលើកុមារ
- មាត្រា ៣១ ប្រជាពលរដ្ឋខ្មែរមានភាពស្មើគ្នាចំពោះមុនច្បាប់មានសិទ្ធិសេរីភាព និងករណីយកិច្ចដូចគ្នាទាំងអស់
- មាត្រា ៦៤ រដ្ឋហាមឃាត់ និងផ្តន្ទាទោសដល់ជនណាដែលនាំចូល ផលិត លក់ដូរគ្រឿងញៀនទំនិញក្លែងក្លាយ ។ ល ។
៥. អត្ថន័យនៃសីល ៥ ដោយផ្សារភ្ជាប់ទៅនឹងខ្លឹមសារសិទ្ធិមនុស្សដែលពាក់ព័ន្ធ ៖
សីល ៥អត្ថន័យ សិទ្ធិមនុស្ស
- បាណាតិចបាតាវេរមីណ គឺវៀរចាកការសម្លាប់ជីវិត សិទ្ធិរស់រានមានជីវិត
- អទិន្ទាទានាវេរមណី គឺវៀរចាកការលួចទ្រព្យគេ
- កាមេសុមិច្ឆាចារាវេរមណី គឺវៀរចាកកាមកិច្ចខុសបវេណី សិទ្ធិរួមរស់ជាគ្រួសារ
- មុសាវាទាវេរមណី គឺវៀរចាកការភូតកុហក សិទ្ធិបញ្ចេញមតិ ផ្តល់ទទួលព័ត៌មានពិត
- សុរាមេរយៈវេរមណី គឺវៀរចាកការសេពសុរា សិទ្ធិរស់នៅថ្លៃថ្នូរ ។
