វិញ្ញាសាមុខវិជ្ជាជីវៈវិទ្យា ( វិញ្ញាសាទី៧ )

សំនួរ

១. ក្រពេញអង់ដូគ្រីនមនុស្សមានអ្វីខ្លះ ?

២. ចូររាប់ឈ្មោះក្រពេញអង់ដូគ្រីន សំខាន់ៗរបស់មនុស្ស ។

៣.តើក្រពេញអ៊ីប៉ូភីស ចែកជាប៉ុន្មានផ្នែក ? ផ្នែកនីមួយៗផលិតអរម៉ូនអ្វីខ្លះ ?

៤. តើលំពែង ផលិតអរម៉ូនអ្វីខ្លះ ? តើអរម៉ូននីមួយៗមាននាទីដូចម្តេច ?

៥. តើមជ្ឈមណ្ឌល ប្រសាទមាននាទីអ្វីខ្លះ ?

ចម្លើយ

១. ប្រព័ន្ធអង់ដូគ្រីនមនុស្ស កើតឡើងពីក្រពេញអង់ដូគ្រីនទំាងក្នុងខ្លួនមនុស្ស ព្រមទាំងសកម្មភាពនៃអរម៉ូនដែលវាបញ្ចេញ ។ ក្នុងចំណោមក្រពេញទាំងនោះ ក្រពេញខ្លះមាននាទីជាក្រពេញអង់ដូគ្រីនផងនិងជាក្រពេញអិចសូគ្រីនផង  ។

២. ក្រពេញអង់ដូគ្រីន សំខាន់ៗរបស់មនុស្សមានអ៊ីប៉ូតាឡាមុស អ៊ីប៉ូភីស ទីរ៉ូអ៊ីត ប៉ារ៉ាទីរ៉ូអ៊ីត ទីមុស ក្រពេញលើតម្រងនោម លំពែង ក្រពេញភេទ ក្រពះ និងពោះវៀនតូច ។

៣. អ៊ីប៉ូភីស មានពីរផ្នែក ។

អ៊ីប៉ូភីសក្រោយ ស្តុក និងបញ្ចេញអរម៉ូន អង់ទីឌីអ៊ុយរេទិច និងអុកស៊ីតូស៊ីន ។

អ៊ីប៉ូភីសមុខផលិតអរម៉ូន ៦ប្រភេទគឺៈ

• អរម៉ូនលូតលាស់ឬ សូម៉ាតូត្រូពីន (  GH )
• អរម៉ូនប្រូឡាក់ទីន ( PRL )
• អរម៉ូនមេឡាណូអ៊ីតស្ទីមុយឡង់ ( MSH )
• អរម៉ូនទីរ៉េអូស្ទីមុយលីន ( TSH )
• អរម៉ូនអាដ្រេណូករទីកូត្រូប ( ACTH )
• អរម៉ូនកូណាដូស្ទីមុយលីន ( GnSH ) ( មាន FSH និង LH ) ។

៤. លំពែងផលិតអរម៉ូនអាំងស៊ុយលីន និងគ្លុយកាកុង ។ អរម៉ូនអាំងស៊ុយលីនមាននាទីបន្ថយកំណើតកម្រិតគ្លុយកូសក្នុងឈាម ។ អរម៉ូនគ្លុយកាកុង មាននាទីបង្កើនកម្រិតគ្លុយកួសក្នុងឈាម ។

៥. ក្នុងប្រព័ន្ធប្រសាទ មជ្ឈមណ្ឌលប្រសាទមាននាទីទទួល ស្តុកទុក បកស្រាយ ព័ត៌មាន  និងបញ្ហាសកម្មភាពទៅគ្រប់ផ្នែកនៃសារពាង្គកាយ  ។