ដើម្បីអាចក្លាយជាធុរជនល្អបំផុតនៅកម្ពុជា ធុរជនឬបុគ្គលពាក់ព័ន្ធត្រូវមានលក្ខណៈសម្បត្តិ៖
- ស្ថិតក្នុងបញ្ជីធុរជនចំណាត់ថ្នាក់លេខ១ នៃប្រព័ន្ធគ្រប់គ្រងភាពជឿជាក់លើធុរជននាពេលដាក់ពាក្យស្នើសុំ
- ជានីតិបុគ្គលដែលមានដើមទុនចុះបញ្ជីមិនតិចជាង ១ពាន់លានរៀល
- មិនធ្លាប់ប្រព្រឹត្តបទល្មើសគយធ្ងន់ធ្ងរដោយចេតនាក្នុងរយៈពេល ៣ឆ្នាំ ចុងក្រោយនេះគិតត្រឹមថ្ងៃដាក់ពាក្យស្នើសុំ
- មិនធ្លាប់ជំពាក់បំណុលពន្ធអាករគយហួសកាលកំណត់ ឬបំណុលផ្សេងទៀតដែលមិនអាចសងបាន
- អនុវត្តបានពេញលេញនូវកាតព្វកិច្ចគ្រប់គ្រងឯកសារ បញ្ជីគណនេណ្យ កំណត់ត្រា និងពត័មានផ្សេងទៀតពាក់ព័ន្ធនឹងការនាំចេញនាំចូលតាមបទប្បញ្ញត្តិជាធរមាន
- ត្រូវតែជាសាមាជិកនៃសហគមន៍ធុរកិច្ចណាមួយដែលមានការអនុញ្ញាត និងត្រូវមានការបញ្ជាក់ពីប្រធានសហគមន៍ធុរកិច្ចនោះពីភាពរឹងមាំនៃស្ថានភាពហិរញ្ញវត្ថុនិងអនុលោមភាពរបស់ធុរជន
- ត្រូវមានទំហំពាណិជ្ជកម្មនាំចេញប្រចាំឆ្នាំមិនតិចជាង ២លានដុល្លារអាមេរិក និងមានកាតព្វកិច្ចធ្វើរបាយការតាមទម្រង់នានាដែលកំណត់ដោយអង្គភាពគ្រប់គ្រងធុរជនល្អបំផុតនៃអគរ។
