ដូចម្តេចហៅថា “បាវចនាជាតិ” តើបាវចនាជាតិនៃព្រះរាជាណាចក្រកម្ពុជាបច្ចុប្បន្នគឺអ្វីខ្លះ ? ចូរបង្ហាញទំនាក់ទំនងអត្ថន័យនៃទង់ជាតិខ្មែរបច្ចុប្បន្នទៅនឹងបាវចនាជាតិ ។

ក. បាវចនាជាតិ ៖ ក្លាយមកពីពាក្យ ៖

• បាវចនា = ពាក្យជាប្រធាន ,ពាក្យជាគោលចារឹក, សំដីជាសំអាងទុកជាគោលប្រតិបត្តិ
• ជាតិ = ប្រទេស ។ ដូចនេះ បាវចនាជាតិ មានន័យថា ពាក្យជាប្រធាន ឬជាគោលសំរាប់ប្រតិបត្តិ ដើម្បីជាប្រយោជន៍ចំពោះប្រទេសជាតិ ។

ខ. បាវចនាជាតិនៃព្រះរាជាណាចក្រកម្ពុជាគឺ ៖

• ជាតិ
• សាសនា
• ព្រះមហាក្សត្រ ។

គ. ទំនាក់ទំនងរវាងអត្ថន័យនៃទង់ជាតិទៅនឹងបាវចនាជាតិ ៖

+​ទង់ជាតិខ្មែរមាន៣ពណ៍ ៖

• ពណ៌ខៀវ នៅផ្នែកខាងលើ និងខាងក្រោម ជានិមិត្តរូបនៃសាមគ្គីភាព ភាតរភាព មេត្តា ករុណា សន្តិភាព អហិង្សា ក្រោមព្រះរាជកិច្ចដឹកនាំនៃព្រះមហាក្សត្រ ។
• ពណ៌ក្រហម នៅផ្នែកកណ្តាល ជានិមិត្តរូបនៃស្មារតីអង់អាចក្លាហាន ពុះពារគ្រប់ឧបសគ្គ ហ៊ានធ្វើពលិកម្មសព្វបែបយ៉ាងរបស់ប្រជារាស្រ្តដើម្បីបុព្វហេតុប្រទេសជាតិ ។
• ពណ៌ស ត្រង់រូបប្រាសាទដែលនៅចំកណ្តាលជានិមិត្តរូបនៃអរិយធម៌ខ្មែរដ៏រុងរឿង នាសម័យមហានគរ និងជានិមិត្តរូបនៃសាសនា សីលធម៌ ចរយាធម៌ ។