វិញ្ញាសាផែនដី ប្រឡងសញ្ញាបត្រមធ្យមសិក្សាទុតិយភូមិ ចំណេះទូទៅ និងបំពេញវិជ្ជា ( វិញ្ញាសាទី៧៩ )

សំណួរ​

១. តើសំណល់ទាំងនោះបង្កផលអាក្រក់ដូចម្តេចខ្លះ ?

២. តើសំណល់រឹងមានឥទ្ធិពលទៅលើសុខភាពសារធារណៈ និងបរិស្ថានដូចម្តេច​ ?

៣. តើត្រូវធ្វើដូចម្តេចដើម្បីការពារសុខភាពសារធារណៈនិងបរិស្ថានទាំងមូលពីឥទ្ធិពលនៃសំណល់ ?

៤. តើគេប្រើវិធីអ្វីខ្លះ ដើម្បីគ្រប់គ្រងសំណល់ ?

៥. តើប្រទេសភាគច្រើនលើពិភពលោកនិយមប្រើវីធីគ្រប់គ្រង់សំណល់ប្រភេទមួយណា ? ហេតុអ្វី ?

ចម្លើយ

១. សំណល់ទាំងនោះបង្កផលអាក្រក់ដូចជា ៖ សំណល់បំពុលមានឥទ្ធិពលបំពុលខ្លាំងទៅលើសារពាង្គកាយមានជីវីត ឬទៅលើកូនចៅជំនាន់ក្រោយដូចជា រមាស់​ ក្អួត ខ្វាក់ភ្នែកការស្លាប់ និងកើតជម្ងឺផ្សេងៗ ។ ចំណែកឯសំណល់ប្រកបដោយគ្រោះថ្នាក់គឺអាចមានលទ្ធភាពបង្កគ្រោះថ្នាក់ធ្ងន់ធ្ងរដល់សុខភាព ផាសុខភាព ឬបរិស្ថាន ។

២. សំណល់រឹងមានឥទ្ធិពលទៅលើសុខភាពសាធារណៈ និងបរិស្ថានដូចជា​៖

• ធ្វើឲ្យមានការបំពុលទឹក ដី ខ្យល់
• ចម្លងជម្ងឺរាតត្បាតផ្សេងៗដល់មនុស្ស
• ធ្វើឲ្យទីក្រុង ទីប្រជុំជនបាត់បង់សោភ័ណភាព និងកខ្វក់
•  ប៉ះពាល់ដល់សុខភាពមនុស្ស សត្វ រុក្ខជាតិ
• ជះឥទ្ធិពលដល់សេដ្ឋកិច្ចជាតិ និងមោទភាពជាតិ ។

៣. ដើម្បីការពារសុខភាពសាធារណៈ និងបរិស្ថានទាំងមូលពីឥទ្ធិពលនៃសំណល់ យើងទាំងអស់គ្នាចាំបាច់ត្រូវគ្រប់គ្រងសំណល់ឲ្យបានត្រឹមត្រូវ ។

៤. ដើម្បីគ្រប់គ្រងសំណល់ គេប្រើវិធីដូចជា ៖ ការកែច្នៃជាថ្មីកំប៉ុស្តកម្ម ការដុតសំណល់និងកន្លែងចាក់សំណល់ ។

៥. ប្រទេសភាគច្រើនលើពិភពលោកនិយមប្រើប្រាស់វិធីយកសំណល់ទៅចាក់នៅកន្លែងចាក់សំណល់ព្រោះ ការចាក់សំរាមនៅកន្លែងចាក់សំណល់ពុំតម្រូវឲ្យមានការវិនិយោគហិរញ្ញវត្ថុច្រើន ហើយពុំទាមទារកម្មករដែលមានជំនាញខ្ពស់ទេ ។ ម៉្យាងទៀតនៅកន្លែងចាក់សំណល់ គេចោលដោយផ្ទាល់នូវសំណល់រឹងពីទីក្រុង សំណល់ដែលសល់ពីការកែច្នៃជាថ្មី និងសំណល់ពីឡដុតសំណល់ ។