វិញ្ញាសា វប្បធម៌ទូទៅ អរិយាធម៌ខ្មែរគ្រប់ភូមិសិក្សា ( វិញ្ញាសាទី ៥១ )

សំណួរ​

១. តើវិស័យសិល្បៈមានប៉ុន្មានទម្រង់ ? គឺអ្វីខ្លះ ?

២. តើចម្លាក់បុរាណមានប៉ុន្មានប្រភេទ ? ចូររៀបរាប់ ។

៣. តើរូបចម្លាក់មានមុខងារអ្វីខ្លះ ?

៤. តើតន្រ្ដីខ្មែរមានអ្វីខ្លះ ?

៥. ភ្លេងប្រពៃណីខ្មែរមានភ្លេងអ្វីខ្លះ ? ចូររៀបរាប់ ។

ចម្លើយ

១. វិស័យសិល្បៈមាន៧ទម្រង់សំខាន់ដូចជា ៖

• សិល្បៈស្ថាបត្យកម្ម
• សិល្បៈចំលាក់
• សិល្បៈគំនូរ
• សិល្បៈតន្ត្រី
• សិល្បៈរបាំ
• សិល្បៈភាពយន្ត
• សិល្បៈវីដេអូ។

២. ចម្លាប់បុរាណមានបីប្រភេទគឺ ៖

• ចម្លាប់លីប គឺជាក្បាច់ដែលគេឆ្លាក់លើផ្ទាំងថ្ម លូកចូលទៅក្នុងថ្ម មើលមិនសូវឃើញខ្ពស់ ឬ ផុសចេញពីផ្ទៃថ្មទេ ។
• ចម្លាក់លៀន គឺក្បាច់ឆ្លាក់នៅលៀនចេញខ្ពស់ពីផ្ទៃថ្ម គឺគេដាប់សាច់ថ្មឪ្យជ្រៅមើលទៅរូបចម្លាក់ ហាក់ដូចជាផុសចេញពីផ្ទៃថ្ម ។ ក្បាច់នេះសំបូរនៅលើផ្ដែរលើសរសេរពេជ្រ លើជញ្ជាំង ។
• ចម្លាក់លោត គឺធ្លាក់រូបនេះសត្វមនុស្សពុំមែននៅលើជញ្ជាំងដោយមានទម្រង់ព្រោះខ្លាចរលំដួល ។ ក្រោយមកទៀតគេឆ្លាក់រូបបដិមាដាច់តែឯង ដោយពុំចាំបាច់មានទម្រដូចមនុស្សទៀត ។

៣. រូបចម្លាក់មានមុខងារដូចជា ៖ ចម្លាក់សម្រាប់បូជា រូបបដិមា ព្រះពុទ្ធពោធិសត្វ ព្រះឥសូរ ព្រះព្រហ្ម នរាយណ៍ ជាដើម ...។

៤. តន្រ្ដីខ្មែរមាន ១២ ប្រភេទគឺ ៖

• តន្ត្រីអារក្ស
• តន្រ្ដីអាពាហ៍ពិពាហ៍
• តន្រ្ដីពិណពាទ្យ
• តន្រ្ដីមហោរី
• តន្រ្ដីយីកេ
• តន្ដ្រីបាសាក់
• តន្រ្ដីចាប៉ី
• តន្រ្ដីអាយ៉ៃ
• តន្ដ្រីប្រីន
• តន្រ្ដីឆៃយ៉ាំ
• តន្ដ្រីស្គរឈ្នះ ( ខ្នងខែក )
• តន្រ្ដីត្រៃល័ក្ខណ៍ ( កំដរសព ) ។

៥. ភ្លេងប្រពៃណីមានភ្លេងមាន ៖

• ភ្លេងមហោរី
• ភ្លេងពិណពាទ្យ
• ភ្លេងក្លងខែង
• ភ្លេងឆៃយ៉ាំ
• ភ្លេងគងស្គរ
• ភ្លេងមង្គល
• ភ្លេងអារក្ស
• ភ្លេងស្គរយោល
• ភ្លេងប៉ីកែវ ។